Page 18 - JUS DEC 30

AWEMainta Diabierna, 30 December 2016 11

Abogado di FTA, mr. Jomar Figaroa

Dunador di trabao ta probecha di ignorancia di un trahador

Cu no conoce su leynan consecuentemente su derecho

SI tur dunador di trabao, atene nan mes na leynan
laboral, FTA lo no tabatin trabao pa haci. E hecho cu
tin ley, no ta un garantia cu tur hende lo cumpli cune.
E problema mas grandi ta, cu e trahador, den mayoria
caso, no sa su derechonan.
Tanto bal bo tin 100 ley, pero si e trahador no conoce
ni 5, anto e dunador di trabao ta maluso di e hecho
cu e sa cu su trahador no sa di ningun ley, cu ta su
derecho.

Asina abogado di FTA, mr. Jomar
Figaroa a duna di conoce, alegando
cu esaki ta debi n’e propio
ignorancia di e trahador.

Un di e puntonan cu esaki ta masha visible t’e famoso
art. 1613X, unda FTA a pasa den un trayectoria basta
dificil. E articulo aki ta papia di ki ora un dunador di
trabao por ofrece un contrato di corto duracion, pero
despues di un lucha duro, e ley aki a keda sin cambio.

Y asina mes, e ultimo aña y mei tin hopi dunador di
trabao, cu apesar e ley ta masha estricto y ta bisa ki
ora por duna un contract di corto duracion, tog tin
dunador di trabao ta tuma hende cu contact y tog e
trahador no ta busca su derecho.

Kier men, segun abogado mr. Jomar Figaroa, e tra-
hador ta haya un contract cu no ta cumpli cu ley y
pa ora cu e contact finalisa y enbes cu e trahador ta
bin dilanti y bisa cu e ta fiho awor na trabao, pero
pasobra e no sa mihor, ta coi su cosnan y ta bay busca
otro trabao.

No cu t’e ley ta faya, ta malo, pero pasobra e trahador
no sa su derechonan, ta pone cu tin masha abuso haci
p’e dunador di trabao.

Trabao di un sindicato ta, cu na momento cu un
dunador di trabao no ta cumpli cu ley, lo cay aden
pa yuda e trahador busca su derechonan.

Pesey un di e metanan di FTA ta, lo sa di educa su
miembronan mas tanto posibel, p’e sa su derechonan.
Aña benidero, segun abogado Figaroa, FTA lo haci
un intento mas fuerte pa riba nivel di shopsteward,
unda un curso di leynan laboral y asina por guia un
miembro kico ta posibel y kico no, pa remedia nan
situacion na pia di trabao.

Hopi biaha e sindicato t’e escudo entre e dunador
di trabao y e trahador, unda e sindicato ta purba di
intermedia, pero e dunador di trabao ta mira sindicato
como un problema, pero un sindicato tey pa yuda
busca solucion den cualkier conflicto, segun abogado
di FTA, mr. Jomar Figaroa.