Page 7 - KPA

Croes: Trahadornan Aruparking

preocupa cu por cera compania

Posted on 05/3/2017 10:14 am AST | Updated on 05/3/2017 10:17 am AST

ORANJESTAD – Trahadornan tabata rabia diamars ora cu a tende cu no por klem
mas, y kier a bay den accion awe mainta. Pero esey no a sosode mas. Segun director
di Aruparking Teo Croes, motibo di e rabia ta cu e trahadornan (parkeerwachters)
ta preocupa cu si no por multa hende, y si door di e loophole, hende no bay paga
mas pa parkeer, e compania no ta haya entrada y consecuentemente nan (e
trahadornan) no ta haya salario mas, cu por nifica fin di e compania. Pero segun
Croes, esey no ta e caso. Awe mainta a papia cu e trahadornan pa trankilisa nan.
Trabou lo no stop, pero lo wordo modifica. Pues trabou ta keda.

PARKEERWACHTERNAN ACTUANDO COMO POLIS

Segun Croes, desde cu e parkeerwachternan a cuminsa traha, cosnan a cambia pa loke ta
parkeer den centro di ciudad. Entre otro ta detecta iregularidad di parkeo. For di storianan
cu Croes a conta, parkeerwachternan a practicamente bira polis di trafico y trahado
social. Tene chofernan burachi abou, pa nan no core auto burachi. Stroba chofernan
burachi di core auto ora cu nan kier sali for di nan vak, te ora cu polis yega. Tambe ta
evita chollernan di kibra den auto. Pues nan tarea ta bira estilo di security
guard/polis/trahado social. “Tin asina hopi caso cu nos no a bay den publicidad cu nan.
Pero ta pasa casonan asina 2 biaha pa siman”.