Page 62 - AVP
P. 62
REUNION ENTRE SIMAR,
SEPPA Y MINISTER DI
ENSEÑANSA SIN RESULTADO
10 June, 2019, 11:33 pm
Dialuna atardi sindicato SIMAR y SEPPA a yama un reunion cu Minister di Enseñansa
riba preocupacion di docentenan pa cu e decision di uni e SPO-nan (Scol Practico pa
Ofishi) den un solo edificio, bou di un solo dak. Pero e reunion aki no a duna resultado.
Un pa un e maestronan a cuminsa bandona e reunion, cu a cuminsa un poco despues di
4’or di atardi y na cual a invita tambe miembronan di Parlamento.
Minister Rudy Lampe a sali a bisa cu el a yega na un palabracion cu e maestronan cu aki
dos siman e lo por duna nan mas informacion. “Mi no por tuma un decision awo ni bisa
kico mi ta bay haci sin e cifranan corespondiente,” el a bisa. E mandatario tabata referi na
e cifranan di cuanto mucha lo atende SPO otro aña escolar. Falta ainda pa haya resultado
di test di esunnan cu a caba scol basico pa bay scol secundario. Y aki ta caminda lo sa e
cantidad di hobennan cu lo bay atende SPO.
E maestronan tabatin un palabracion haci cu e Minister for di Januari ultimo cu nan lo
avisa adelanta riba e decision di kico ta bay haci, esta si ta “fuseer” e scolnan cu awo ta
situa na Santa Cruz y Savaneta. Pero nan ta mira dianan ta pasa y aña escolar ta
finalisando, sin ningun splicacion di banda di e mandatario.
