Page 63 - AVP
P. 63
Docentenan di SPO a bandona e reunion na final no mucho contento, pasobra ta mira cu
dianan ta pasa y atrobe e mandatario a pidi nan tempo, awor te cu 21 di juni. “Nos por a
sinti e frustracion bou di e docentenan, pasobra no ta mira un solucion rapido pa algo cu a
wordo palabra caba,” asina Presidente di SIMAR, Josephine Albertus, a bisa na final di e
reunion.
Parlamentario mr. drs. Arthur Dowers tambe tabata presenta na e reunion cu e
docentenan. Na final el a bisa di ta convenci cu Dr. Rudy Lampe no tin ni e minimo idea
di kico e ta haciendo y cu e ta cabando cu tur e trabounan cu a realisa e ultimo añanan pa
mehoracion den enseñansa. E unico cos drechi cu el a papia den e reunion, tabata cu el a
reconoce e bon trabou cu e ex Ministernan di Enseñansa a haci prome cune, pero e no a
logra convence e docentenan di su plannan, debi cu e ta siguiente conseho di hendenan
robes, cu no ta traha den e ramo y cu no tin un idea di kico ta “come y bebe” na scol.
https://24ora.com/reunion-entre-simar-seppa-y-minister-di-ensenansa-sin-resultado/
