Page 28 - UTILITIES

Minister Richard Arends: E prijs di combustibel na Aruba ta
core paralelo na e prijs internacional

Thursday, 12 January 2017 21:15
Comparti

Nos a combersa cu minister Richard Arends, kende ta encarga cu economia. Nos a acerk'e pasobra tabata tin un
subida diripente di Gasolin cu casi 14 cen. Tambe gasoil y diesel tambe. El a baha, pero awo el a dal un stap grandi di
subida.

Minister Arends a splica cu Gobierno di Aruba, departamento di asuntonan economico, ta monitor riba loke ta yama
e marketplace di Platz, cu ta un foro internacional, caminda cu tur prijs di e commoditiesnan manera gasolin, gas,
fueloil, grano, ta wordo midi, realtime y Gobierno di Aruba a haya e datonan ey como un averahe, pa dia, despues pa
luna. Prijs di gasolin pa consumidor pa Aruba ta wordo calcula semper riba e di dos diaranson di dos luna, basa riba
e prijs promedio di Platz di e luna anterior. Si mira bon. E prijs di combustibel na Aruba, den e caso aki di gasolin, ta
core paralelo na e prijs internacional di Platz. Por ta e prijs ta baha, pero esey ta un dia den 30 dia. Esey no ta nifica
cu e averahe ta mas abao, by Advertise"> door di un reduccion di un dia, cu por nifica reduccion pa e siguiente
luna.

Aki un luna, riba e di dos diaranson di luna di februari, por mira ki efecto e prijs riba gasolin riba mercado
internacional tabata tin y ta conta pa diesel y jetfuel.

Desaroyo

Ta sigui e desaroyo. Si mira na aña 2014 prijs di gasolin den e caso aki tabata 2.45 y na 2016 na Maart, el a baha te
bao di 1.50. E ta algo cu ta totalmente pafo di control di Aruba y e ta totalmente basa riba prijs di mercado
internacional. Ta depende con e prijs internacionalmente ta afecta e prijs di combustibel aki na Aruba. Obviamente e
prijs di Platz, e kostprijs ta wordo calcula a base di un formula, unda ta inclui seguro, ta inclui un opslag pa loke ta
trata e evaporacion y tambe BBO y BAZV y accijnzen. Esey ta traduci su mes na un prijs pa mayor y un prijs na
detaye cu ta e prijs cu nos ta paga na pomp di gasolin ora nos bay tank nos autonan.

Calculacion di prijs internacional

Segun minister Arends, e lo sinta cu departamento di asuntonan economico pa por duna mas claridad posibel tambe
riba precies kico tabata e US posting prijs, y hasta añadi un grafico na e anuncio pa tur hende wak kico ta e desaroyo
riba mercado internacional y con e ta afecta aki na Aruba.

Gobierno di Aruba no ta subsidia gasolin, no ta subsidia jetfuel. Unico cos cu ta subsidia ta LPG. Esey tambe ta tene
cuenta cune, cual ta gas domestico, pero e otro combustiblenan no ta subsidia, ta puramente dependiente di
mercado internacional. Pa loke ta importador, a keda e mesun entidad, ta keda by Advertise"> importa
combustible pa Aruba FMSA, cu ta un compania di cual Refineria di Aruba ta 100% accionista, cu e transicion di
esun cu ta importa antes, esta Valero Refining, awo Citgo Refining, no tin cambio pa e cosnan ey di combustible.
Pesey no tin un piek, a tene cuenta cu esey ora di negosha, cu no tabata tin un piek den e prijs di combustible pa
motibo cu a cambia di e operador di e refineria. Den tempo di Valero tabata tin hopi gasto. Valero Refining tabata
cover pa Valero marketing and supply. Tabata un solo consorcio. Den e caso aki di un split. Tin refineria di Aruba di