Page 30 - UTILITIES

Minister Richard Arends riba prijs di gasolin: Na Venezuela e
gasolin cu tin barata ta subsidia dor di gobierno

Thursday, 12 January 2017 21:24
Comparti

Segun minister Richard Arends, no por compara nos mes cu Venezuela. Nan ta produci nan mesun gasolin y
practicamente e ta subsidia. Cu $1 por yena un auto masha grandi mes. Loke si ta promoviendo na Aruba ta mas y
mas uzo di vehiculonan electronico y tambe hibrido.

A duna incentivonan fiscal pa por promove e uzo di esakinan y esey ta den liña cu maneho di Gabinete Mike Eman,
for di aña 2010 pa mas y mas ta menos dependiente di gasolin y fuentenan di energia convencional, y esey no ta
solamente den nos produccion di energia y awa cu coriente, pero tambe den uzo domestico y pa cas, famianan den
un estudio di oficina central di estadistica na 2006 ya caba tabata prome cu e crisis petrolero, e componente di
gasolin, e componente di electricidad den un famia, ya caba tabata 26% di e entrada di e famia tabata bay na esey.

For di 2010, Gobierno ta trahando extensivamente y tin cu bisa, bao di liderasgo di e prome minister, pa por ta mas y
mas independiente di fuentenan convencional, manera cu ta trata petroleo, gasolin, pa loke ta trata nos bida diario.

Aumento di prijs

E ta un parti di gasto di operacion di empresanan. Esey tambe tin efecto riba inflacion, loke cu ta wordo midi pa
Banco Central. Esaki ta un di e prome aumentonan despues di varios luna. Den e ultimo lunanan tabata tin
aumentonan cuantioso di 40 cen, otro biaha 10 cen, awor a conoce un aumento di 13 cen. Si wak'e riba termino un
poco mas largo. Si compara januari di e aña aki cu esun di aña pasa, tin casi un nivel igual di e prijs. Eigenlijk cu e
subida y bahadanan durante 2016, tin casi mesun prijs di gasolin cu aña pasa.