Page 4 - MIN ON 11 MARCH 2017

Pagina 14 Diasabra 11 Maart 2017

St. Paulus School a sali Ganador den SETAR

Jingle Dance Campaign

Tabata mainta yena cu
alegria, baile y sorpresa
ora cu St. Paulus School
a ricibi su premio como
ganador di e SETAR
Dance Campaign. Esaki
tabata un competencia
di video den cual por a
participa cu diferente
movimiento cu baile y
show riba e tononan
di e jingle cu SETAR a
traha specialmente pa
temporada di Carnaval 63
di Aruba.

SETAR a lanza e
campaña di competencia
aki “SETAR Dance”,
unda cu participantenan
por a upload un video di
nan mes of cu nan grupo
bailando riba e ritmo
carnavalesco di SETAR su
Jingle. Di tur e videonan
cu a keda “posted” riba e
Facebook page di SETAR
Dance, tabata tin uno cu
a captura e atencion di un
y tur. Esaki tabata e video
di St. Paulus cu a ricibi
aproximadamente 100 mil
views riba Facebook y a
keda comparti miles di
biaha riba rednan social.

Recientemente den
oranan di mainta SETAR
a haci bishita na St.
Paulus School pa haci e
entrega di e premio di e
SETAR Dance campaign.
Cu hopi alegria y animo e
docentenan di St. Paulus a
ricibi e cheque di Afl. 5000
cu sigur lo yuda e School
den nan meta di pone
airco pa henter e school.
Apart di esaki SETAR
a trece cupcake y e
sorpresa pa e alumnonan
di St. Paulus School cu
un presentacion special di
Jeon y invitadonan Prim,
Freddie y Ritmo Real.

Sigur un mainta inolvidabel
pa e alumnonan y e team
completo di SETAR
Dance. Pabien un biaha mira e momento cu e di SETAR, cerando e
mas na St. Paulus School: cabezante y e docentenan campaña di SETAR Dance
ganador absoluto di e di St. Paulus School a hunto cu nos artista “Jeon”
SETAR Dance Campaign. ricibi e cheque di Afl. 5000 y invitadonan celebrando
for di representantenan cu e diferente klasnan.
Riba e potretnan por