Page 20 - WEB_Neat

Ciudadano A Perde Caso Contra ELMAR No Por

Produci Mas Coriente Di Panel Solar Di Loke Ta

Permiti

 Local
- 07/05/2019

Hof luna pasa a tuma un decision den un caso unda cu un ciudadano mal contento a bay
busca decision di Corte riba actuación di ELMAR. E compania estatal, segun Hof,
corectamente a desconecta un ciudadano for di e red di produccion di energia for di panel
solar, ora cu e produccion aki a surpasa loke tabata para den e contracto.

E ciudadano di Aruba cu tabatin un sistema di panel solar demasiado grandi, a perde su
caso. El a amplia su sistema di panel solar sin e aprobacion di ELMAR. Corte Comun di
Husticia di Aruba, Corsou, Sint Maarten y Boneiro, Sint Estatius y Saba a dicidi den e
caso aki pues na fabor di ELMAR.

Manera ta conoci, ELMAR ta e proveedor exclusivo di coriente na Aruba. Na september
2009 e compania estatal a aproba e instalacion di un instalacion di panel solar riba tereno
di e cliente ey. E produccion di coriente via e panel solar, ta wordo entrega bek na e red
di coriente di ELMAR. Na momento di e aprobacion (dor di ELMAR), tabatin un
produccion maximo di 840 watt (den su piek).

Na maart, 2014 ELMAR a instala na cas di e cliente un asina yama “intelligent meter”
(reader) pa registra e uzo di energia. Na aa 2017 e demandante a instala extra panelnan