Page 10 - AAA

Douane Recherché ta gara e Muher N Martijn cu droga
saliendo pa Canada

Sunday, 25 December 2016 19:51
Comparti

Keto bay tin un grupo di crimen organiza ta purbando Aruba como nan salida pa exterior cu droga. Kizas
pa algun mil dollar tin hende zwak cu ta expone nan mes den un risico grandi cu husticia.

Hopi ta keda deteni sea na Aruba of na Merca mes. Den e caso aki e muher N Martijn tambe a keda
deteni pa personal di Douane Recherche. Esaki a sosode na airport. E tabata tin intencion di aborda West
Jet cu destino Canada. Despues cu a yame varios biaha pa presenta na gate, el a bira target tambe. Ya
caba tur hende a aborda, pero e muher N Martijn a somenta pa un rato. E lo sinti e cayente. E tabata un
caminda ta come of bebe algo prome cu subi avion den sala di salida. Na dado momento ora Douane
Recherche a bay atende cune a mira cu su movecion tabata sospechoso. A bay atende un poco mas leu
cune y a bin resulta cu e tabata tur fura na droga. A mustre riba su derechonan y bay over na detencion. E
mester duna cuenta awor na autoridad. Esaki ta un otro victima di un grupo di crimen organiza cu
Douane Recherche y Team di Narcotica tin wowo riba dje. Pabien na Douane Recherche cu nan
tremendo trabou na fronteranan pa asina kita tur esnan den baho mundo for di caminda. Poco dia pasa
asina mes uno Arubiano a logra skip pasa y yega Merca. Eynan a pone man riba dje. Awendia aunke tin
un control di Immigracion y Douana Mericano como pre clearance na Aruba, tog na yegada sa tin un
cantidad di Douane y Imigracion Mericano para den rij na gate. Nan ta tira spot chek riba tur esnan cu
yega Merca. Algo cu adelanta e piloto ta menciona tambe net prome cu e avion yega na gate. Ta pidi tur
pasahero den avion pa tene nan pasaporte na man pasobra tin extra control na salida di e avion aunke a
pasa pre-clearance na Aruba. Ta spera cu ora Narcotica gara e cabeznan na Aruba, nos tende mesora ta
kende esun na cabez di e grupo organiza aki ta.