Page 10 - CITGO

Minister Mike de Meza: Desaroyo di Citgo ta bayendo hopi
positivo mes

Sunday, 15 January 2017 18:56
Comparti

Nos a papia cu Minister Mike de Meza, mirando con e aña lo bay habri awo cu e refineria.

A mira cu e keyperson cu a deal cune a haya a un nombracion na Venezuela. Un persona cu tin contacto
estrecho cun'e y tin contacto cun'e, esta Nelson Martinez, a bira minister na Venezuela. El a conta kico
por spera di e nombracion aki, mirando cu e tabata por ehempel e keyperson den e negociacion cu tabata
tin pa basta luna largo.

E minister a wordo informa mas of menos un siman y mey pasa cu sr. Nelson Martinez cu ta CEO di
Citgo na Merca, a wordo nombra y finalmente el a wordo nombra tambe como e minister di Energia y di
Petroleo di Venezuela, cu ta un di e posicionnan mas clave cu tin den e Gobierno di Venezuela. Un
ministerschap hopi importante. Esey ta haci cu awor aki full e cadena, por yam'e asina, ta cay bao di su
persona, door cu e ta persona. PDVSA ta cay bao di dje y Citgo ta cay bao di dje. Martinez tambe a keda
como presidente di Citgo y awor aki e ta ehecutando e trabaonan aki. Tabata tin contacto cun'e siman
pasa y e siman aki tambe tabata tin contacto cun'e. Awor aki mas ainda a pone un peso extra di trabao
riba su persona, pero sigur sigur pa esaki ta un posicion sumamente importante pa e refineria di Aruba.

Tin cu bisa cu e tabata sumamente contento cu tambe ta sigui kere den e proyecto y sigui pone
concentracion riba e proyecto di Aruba y ta considera e proyecto di Aruba uno sumamente importante pa
e cadena di PDVSA y Citgo y pa Venezuela y sa tambe cu ta hopi importante pa Aruba.

Su posicion como minister den bista di Minister de Meza, ta haci tur locual cu tin cu tuma luga hasta mas
fuerte pa e proyecto di Aruba. Muy pronto lo topa cun'e tambe y pa sigui discuti diferente punto. A haya
un update caminda cu por cierto ora cu a papia cun'e, tur cos ta canando su caminda. Concentracion pa
Aruba ta grandi, compromiso tey. Nan ta den pleno progreso pa e proyecto di Aruba. Ta asina cu aki un
siman tin un delegacion basta grandi cu ta bin for di PDVSA cu Citgo y PVSA Gas, caminda cu lo reuni na
Aruba hunto cu ehecutivonan na Aruba y hunto cu ehecutivonan di Citgo Aruba, pero tambe Refineria di
Aruba, companianan di utilidad pa e liña di gas cu ya caba ta haciendo diferente trabao, estudionan
calculacionnan di costo, calculacion di costo pa esaki, pa yega asina leu cu por bay ehecuta e proyecto aki.
E proyecto aki ta sumamente grandi. Ta papia casi facilmente di un tiki mas di 200 miyon dollar pa un
proyecto asina cu ta sumamente positivo pa Aruba.