Page 11 - CITGO

Preparacion pa rehabilitacion di e refineria ta bayendo cu
velocidad mucho mas grandi cu normal

Sunday, 15 January 2017 18:57
Comparti

Los di e proyecto di liña di Gas pa e refineeria, ta trahando duro tambe riba e proyecto di rehabilitacion
mes.

A wordo splica tambe cu ya caba nan ta bezig ta contrata diferente ingeniero y diferente specialista
Arubiano cu ya caba a cuminsa labora tambe den e refineria. Cuminsa prepara e definicion di e
trabaonan cu lo mester tuma luga pa e rehabilitacion y cu pronto lo mira caminda ta bay acerca hopi mas
hende di Aruba, pa trabaonan cu tin cu tuma luga den e refineria. E ta bayendo bon. E lo tuma su tempo.
Tempo cu Coastal a bin, ta un cantidad grandi di luna tabata tin di preparacion pa por tin tur cos cla.
Esey Citgo ta pasando door di dje. E ta bayendo riba un velocidad hopi mas grandi y lihe y cu e
financiamento, tur cos ta cla. Awor aki a escoge tambe e EPC Company, esun cu ta haci y ta responsabel
pa e trabao grandi di rehabilitacion cu ta reconoce un compania Frances combina cu un compania di
Venezuela y nan tin nan otro partnernan internacional tambe den esaki cu ta haci su preparacion pa na
fin di dia nan por sinta cu e companianan local na Aruba y tambe e trahadonan local cu lo asisti den e
trabaonan di rehabilitacion cu lo tuma luga muy pronto, pero cu a cuminsa caba. Ta trabaonan
sumamente grandi cu lo bay tuma luga. Ta bay ta un periodo di entre dos pa 4 aña largo di un trabao
intensivo di rehabilitacion. Por considera un turnaround sumamente grandi, pero mas detaya cu un
turnaround y na momento cu esaki ta cla e ora ey lo mira cu e refineria lo bay bek den operacion. Hunto
cu e trabaonan aki tambe lo bay tin e construccion di e liña di gas y pa ora cos ta cla por cuminsa cu e
refineria, caminda cu ta uza gas natural na luga di e fueloil pisa cu a contene asufre halto. E ta un cambio
hopi grandi cu ta bay mira y e beneficio di esaki tambe ta cu e compania WEB lo por cambia for di e azeta
pisa tambe y uza gas natural pa su operacion pa genera electrocidad y converti awa di Lama pa awa
potabel. E ta bayendo bon.
Ta scucha hopi cos. Pueblo di Aruba tin cu tene pasenshi, segun e Minister. E trabaonan ta tumando luga
y hopi lihe ta mira e actividadnan aumenta exponencialmente, manera cu ta wordo mira. Ta bay tin
mester di hopi hende pa traha. E trahadonan local y tambe companianan local ta esnan prome yama a
base di nan mesun experiencia, meritonan y educaion cu lo labora den e sector aki. E ta bayendo
sumamente positivo segun e Minister.