Page 24 - BNDIA ARUBA

A24 bistA politico
Dialuna 24 September 2018
Parlamentario Benny Sevinger (AVP):
‘Marisol di MEP a otorga 7 mil camber di hotel y nos a bay

laga mesun cantidad’

ORANJESTAD - Parlamentario Benny Sevinger diabi-
erna cu a pasa, a atende cu diferente punto cu parla-
mentario, gobernante y un ex gobernante, a papia riba
dje di supuesto terenonan otorga na proyectonan ho-
telero den e gobierno anterior.

Sr. Sevinger a bisa cu contrario na loke ta wordo bisa, ‘e no a
otorga tereno pa proyecto hotelero of duna permiso pa mas
camber di hotel’, cu excepcion di esun di Holiday Inn y con-
diminiums, ya cu Marisol Lopez Tromp a otorga tur tereno
disponibel caba den su periodo como minister di infrastruc-
tura den gobierno di MEP.

Na momento cu Gabinete Mike Eman I a sinta na october,
nos a pidi DIP un lista di terenonan cu tin disponibel den e
area di hotel pa desaroyo of futuro desaroyo. A haya un docu-
mento y mapa cu ta core for di Ritz Carlton te na Playa riba
tur tereno cu tin pa desaroya proyecto y di henter e ruta aki,
solamente dos tereno no a wordo otorga, cu ta un di 2 mil m2
y e otro di 3 mil m2.

Por lo demas, tur resto di tereno a wordo duna door di Mari-
sol Lopez Tromp y no bin bisa tampoco cu 7000 camber
Benny Sevinger a duna, pero bisa 7000 camber nobo cu bo a
hereda di Marisol Lopez Tromp.
Pa 8 aña nos a lucha cu e 7000 cambernan nobo aki y pa 8 aña
nos a wanta nan y aki mi por puntra cual ta e hotel cu a wordo
construi den e ultimo 8
añanan? E unico ta Ritz Carlton y nos no a duna niun tereno
den 8 aña, pero cu nos a duna pa condominiums ta cuadra ya
cu Marisol no a laga nada pa nos duna tereno na erfpacht pa
7000 camber di hotel.

Un bon ehempel di henter e asunto aki mi por referi na de-
claracion di e propio Otmar Oduber, haci prome cu eleccion
di 2009 unda cu e ta papia di 3 mil camber di hotel cu a wordo
otorga door di Marisol Lopez Tromp pero despues di eleccion
a haya tur cifra, nos a bin constata cu ta trata di 7 mil camber
di hotel cu el a otorga.

Otro ilustracion ta esun di e rapport Aruba 2025 cu a wordo
traha prome cu eleccion 2009 y cu a conta cu participacion di
tur stakeholder. Den e rapport aki ta papia cu desde inicio di
turismo na Aruba pa 2003 lo mester tabatin 20 mil camber di
hotel pero esaki no a sosode.
Tambe e rapport ta menciona cu pa final di 2009, ora cu MEP
tabata den gobierno, e cantidad total di camber tabata 7924,
pues casi 8 mil camber y despues di 2004 a haci diferente
compromiso pa creacion di 6 mil camber adicional, cu na final
di 2009 a bira 7 mil.

No ta Benny Sevinger, Juan David of Otmar ta bisa den su ar-
ticulo, pero e propio rapport di Aruba 2025 ta bisa cu Marisol
Lopez Tromp for di 2004 te cu 2009 a crea 6 mil camber cu
despues a bira finalmente 7 mil camber.
E mesun 7 mil camber cu awe Otmar Oduber a haya riba su
mesa y cu e ta bira desespera dor di dje, nos tambe a hay’e 7
mil y ta su colega di partido a percura pa esaki.
“Bo tabata sinta banda di mi ora cu nos a haya nos mes con-
fronta cu e 7 mil cambernan adicional y cu nos no tabatin pia
pa cana, pasobra e terenonan a wordo pasa den erfpacht caba
y unabes cu nan cumpli cu tur cos, bo no por haci nada mas y
Otmar tabata sa esey.”
Si ta berdad loke cu Otmar Oduber ta bisa, anto awe Aruba
lo mester tin 22 mil camber di hotel. Esey ta e realidad, esey
ta loke cu nos tin na Aruba of nos ta na e 8 mil y pico ainda
despues di 8 aña. Husga pa bo mes ya cu e 7 mil camber adi-
cional cu Otmar Oduber ta papia di dje ta e mesun 7 mil cu
sra. Lopez Tromp a laga atras firma na 2009.
“Awe e total di camber di hotel, timeshare y condominiums
ta 8680 for di e 7 mil cu a laga atras. Pues den 8 aña a construi
680 camber di hotel/condominuims”, sr. Sevinger a declara y
aclaria.