Page 36 - JUS

Fiscal a pidi 3 aña y mei di prison pa

polis acusa di violacion

Posted on 03/10/2017 12:14 am AST | Updated on 03/10/2017 12:17 am AST

ORANJESTAD – E agente policial di fam Bremo a tende fiscal diabierna pidi 3 aña
y mey di castigo contra dje. Cargo ta violacion di un persona durante ora di trabou
y usando un auto di polis pa e acto. De hecho tin dos cargo, cu ta violacion y
‘verduistering’ di e Billy y armanan. Huez a cera e caso y ta dicta sentencia dia 30 di
maart mainta.

E CASO DI RAPE

Pa loke ta e rape, ta asina cu e sospechoso a bisa cu el a bay e adres unda ta haya e
prostitutanan, a acerca uno, a puntre si e ta disponibel, a invite pa dal un rondje, a bay cu
ne, haci sex voluntario, drop e back, cla. E no a paga y no tabatin ningun intencion di
ever paga, pasobra e muher ni ta di su smaak. E victima ta bisa cu e tabata na e cas, e
polis a bin, a bise pa lanta para, pa wak su pasaporte, pa bin cu ne warda pa controla si su
papelnan ta na ordo. El a subi patras di e auto di polis. Nada di warda. El a bay un sitio
aleha cu ne, a bise cu e ta un polis y cu e tin arma, a forze pa haci un acto sexual y a rape
e, y djey a bah’e back banda di e cas. Esey ta dia 10 di november. Dia 11 e denuncia a
wordo haci. Dia 15 di november e mes polis a presenta na e mes cas cu e mesun cuenta di
check pasport di un otro mucha muher. E ora a detene e polis Bremo.

TRATAMENTO DI FISCAL

Fiscal a bisa cu e sospechoso como polis, den ora di trabao y den auto dI polis, a haci
maluso di e autoridad di polis y a viola e integridad fisico di e victima. El a crea un
situacion di humiliacion, miedo y insulto pe. El a wordo viola pa un polis, un funcionario
cu normalmente bo ta bay cerca dje pa ayudo y di e manera ey e sospechoso a haci daño
na confianza, bon nomber y integridad di KPA. El a probablemente kere cu e persona ta
un prostituta y cu e lo no durf di haci denuncia. Posiblemente tin un modus operandi
pasobra el a bolbe dia 15 y na september tambe e tabata ey. Pakico cada biaha e tabata
bay e cas specifico ey? El a bisa den interogacion nan cu ta pasobra e tin cu controla riba
prostitution ilegal, pero nunca el a traha ni un pv tocante esaki. Huez ta dicta sentencia
dia 30 di maart proximo pa 8:15 di mainta.

http://www.noticiacla.com/news/8970