Page 39 - JUS
P. 39
KPA: Laga nos uni pa supera
momentonan dificil den nos
organisacion
9 March, 2017
1
Despues di parada grandi di Carnaval di Oranjestad, Polisnan a bay duna
asistencia na un cas. Despues di a detene un sospechoso, a bin keho cu
Polisnan no a actua corecto durante e proceso di detencion, pa cual a start cu
un investigacion interno, cu a conduci na detencion di 2 Polis y diahuebs mainta
a detene 2 otro Polis den e mesun investigacion aki. Alto Comisario di Cuerpo
Policial Aruba, mr. Adolfo “Dolfi” Richardson ta lamenta e susedido, referiendo
na ora mester detene Polisnan pa motibo di tabata eherciendo nan trabou.
Di otro banda, e hefe maximo di Polis ta corda tur hende cu nos ta biba den un
pais democratico y di cual ningun persona ta para riba ley. Ora un ciudadano
entrega un keho, mester duna husticia e espacio pa investiga e caso pa por
saca afor kico a sosode.
