Page 10 - AM190125

10 AWEMainta Diabierna, 25 Januari 2019

Rocco Tjon, lider di fraccion di MEP:

Betico Croes ta un lider,

estadista y visionero cu

hamas por wordo iguala

RIBA Dia di Betico nos ta recorda con e lider

aki a bringa pa awe nos por ta “baas den nos
mesun cas”. E ta nos deber, como bon Arubiano,
pa hamas laga su historia, nos historia bay perdi,

segun lider di fraccion di MEP, Rocco Tjon.

ESTILO DI LIDERAZGO
Betico Croes d.f.m. tabata un lider extraordinar-
io. Su logronan t’e fruta di su determinacion,

curashi y amor pa su pueblo.

Locual ta resalta ta cu Betico, den un era cu no
tabata avansa cu tecnologia, a sa di uni e pueblo,
pa bringa e causa husto. P’e por a logra esaki el

a desplega liderazgo yena cu carisma, amor, sin-

ceridad y curashi.
BISHITA NA SCOL
Ta importante p’e generacion nobo sa cu ta danki

na Betico Croes cu awe nos ta un pais autonomo

den Reino Hulandes. Su lucha a conduci cu awe
nos tin nos propio Gobierno, propio Parlamen-
to, propio Gobernador y propio Banco Central.

Partido MEP ta haci bishitanan na scolnan ba-

sico pa splica e historia aki y pa nos generacion
nobo sa cu esaki t’e resultado di trabounan gran-
di y valioso di Betico Croes, nos Libertador, se-

gun Rocco Tjon.