Page 8 - AM190125

8 AWEMainta Diabierna, 25 Januari 2019

Abogado di Paul Croes, con por papia di soborno si

895 compania a haya ontheffing, y 13 so a haci donacion

Y tin di nan ta donante regular caba

DEFENSA di drs. Paul Croes y Melony Paesch diaranson a trece diferente
punto pa kita e percepcion crea door di OM di e "actuacion delibera di e ex

mandatario contra trahadonan local, e mal uzo di su posicion, malversacion,
labamento di placa y participacion den un organisacion criminal".

Abogado mr. Vaders a splica Corte cu semper bay Ministerio Publico a papia
di hopi, di algun mil, y awo den Corte ta bisa cu esnan cu a haya Ontheffing a

base di fabor of soborno ta "tientallen".

Pues un tono cu a cambia di e percepcion cu nan

a crea despues cu a detene e ex Minister di Labor.
Loke cu niun momento OM a trece dilanti, segun

Defensa, ta cu Gobierno tabatin protocol firma cu
cierto companianan cu automaticamente ta haya

"ontheffingen", por ehempel e Refineria y Ritz Carl-
ton, cual hotel di un solo biaha a haya 200 dispen-

sacion.
Algo cu a hala atencion ta momento cu Abogado

Vaders a trece dilanti cu OM no a splica cu ora nan
ta papia di e 2171 dispensacionnan cu a wordo

duna, ta solamente 13 compania di e 895 empre-
sanan cu a haya esaki, tabata sponser of a haci un

donacion e aña ey. Y, banda di esaki, mayoria di e
13 companianan ey den pasado a yega di duna dis-

pensacion caba, sin cu nan a haya Ontheffingnan.
Tambe el a bis cu ora ta papia cu e Ontheffingnan

ta hopi, nan ta haya lamentabel cu OM ni Departa-
mento di Labor su funcionarionan cu a haci declara-

cion, no ta bisa cu cual otro cifra nan ta compara
esaki. No tin datos di cuanto Ontheffing Minister

anterior a duna pa bisa cu esnan den tempo di Paul
Croes tabata hopi. P’esey no por compronde a base

di kico OM a yega na e pensamento ey.
Otro aspecto cu a wordo señala ta cu empleadonan

di DPL y OM ta bisa cu a perhudica e forsa laboral
cu e tantisimo Ontheffingnan duna. A splica Corte

cu e mandatario a crea un programa cu a pone 400
persona bek den e mercado laboral mientras cu e

cifra di desempleo no a subi, pero a baha den e
periodo di Paul Croes. "Con e por a perhudica e for-

sa laboral cu e ontheffingnan, manera OM ta bisa,"
mr. Vaders a bisa.