Page 61 - ATA

Segundo den e serie di “wine dinners” na Sunset Grille ta tuma lugar dia 13 di
September, 2019. Esaki lo ta un exhibicion di e steakhouse su platonan eleva den
colaboracion cu un distribuidor di biña di caliber halto.

E pairing-dinner di cuatro plato lo tin un toke extra special danki na e guia di e
sommelier di Divino. E menu pa e anochi aki ta crea pa Executive Chef Matt Boland,
entrena den estilo Frances, y Executive Sous-Chef Katia Soujol kende ta di Francia.

Katia, cu ta bini di Provence, a siña cushina hunto cu su wela den e campiñanan di
Francia y despues a sigui cu su passion y gradua for di e Instituto Culinario na Nice.

For di e tempo ey el a ricibi elogionan impresionante tur caminda cu el a bay, for di

Master Chef di Francia, pa “Top French American Chef”. Su carera nomada a hibele
gran restaurantnan cu strea Michelin na Francia, UK y Alemania y asina tambe el a join
Hilton na Estados Unidos. Eynan el a combina su carera como chef cu duna les di
Culinaria na The Art Institute of California y Long Beach Community College.

Cushinando na Hawaii, Vietnam, Cambodia, China y India, apareciendo den un cantidad
di revistanan y programa di radio y television promoviendo su recetanan special y
apareciendo como invitado special a prepara Katia pa su rol na Aruba como Executive

Sous-Chef na Hilton Aruba Caribbean Resort & Casino. Mientras e admiti cu na inicio e
no tawatin ni idea unda pa haya e isla riba mapa, ora e oferta a drenta, el a dicidi di
trece su conocemento Hilton Aruba y pasele na e proximo generacion di gran
Culinarionan.

E anochi ta cuminsa cu un welcome reception pa 6:30 pm, sigui pa cena 7:00 pm na
Sunset Grille, tur esaki pa un prijs rasonabel, pero bo tin di reserva di antemano.

Rodney Strong Vineyard ta un viñeria di famia basa na Healdsburg, California, funda na
1959 door di pionero den biña y bailarin, Rodney Strong, nan ta enfoca solamente riba
crece druif y traha biña na Sonoma County. Rodney Strong Vineyards ta deriva for di
tur rond di Sonoma County y tin 14 finca di viñedo.

https://www.diario.aw/2019/08/sous-chef-ehecutivo-di-francia-lo-bin-cushina-un-anochi-na-aruba/