Page 47 - MIN ON

Candidato y sostenedornan a prepara Cas di Partido AVP na
Paradera

Sunday, 23 April 2017 15:05
Comparti

Trabounan a cuminsa na Cas di Partido na Paradera. Diabierna atardi candidato y sostenedornan a bini hunto den
un ambiente ameno pa cuminsa verf e cas den e color di speransa, e bunita color berde di partido AVP.
Simbolicamente lider di Partido di Pueblo Arubano 'AVP' Mike Eman, hunto cu futuro candidato pa e bario di
Paradera, e hoben profesional Clayton Croes a pasa e prome kwashi di verf riba e cas tipico Arubano.

Asina a duna inicio na e trabounan cu e boluntarionan rapidamente a completa durante fin di siman.
Ta e mesun cas a sirbi partido AVP como su centro den e bario di Paradera durante e dos ultimo eleccionnan y
propietarionan a duna di conoce cu lo sigui asina tambe e aña aki. Na e cas aki ta caminda diabierna awo 28 di april
for di 6’or di atardi, e partido berde ta bay lansa su candidato pa e bario di Paradera, esta Clayton Croes. Su tras tin
un ekipo hoben cu mentalidad hoben y un perspectiva nobo. Paradera y bicindario ta cordialmente invita pa bin cera
conoci cu nan candidato nobo y cuminsa haya un idea di kico ta e pensamento di e candidato hoben y profesional aki.