Page 50 - MIN ON

Lansamento oficial di Clayton Croes como candidato di AVP
ta diabierna awo

Sunday, 23 April 2017 16:26
Comparti

Fin di siman a ranca sali pa Partido AVP den un forma hopi anima for di nan cas di custumber den bario
di Paradera.

Aki a comparti cu Clayton Croes, un hoben profesional y yiu autentico di Paradera, kende den algun dia
lo keda anuncia oficialmente como un di e candidatonan nobo y fuerte di e partido berde.

Clayton ta un miembro bon conoci y stima den e bario di Paradera. E ta bin di un hogar ehemplar como
yiu di Freddy y Marlin Croes hunto cu su rumannan Clifford y Clariënne. Su mes tambe ta un tata di
famia y hunto cu su pareha Ghislaine Vrolijk, ta mayornan di e bunita prinses Chloe Croes.

Na nivel profesional, Clayton tin un Master den Science Biomedical Management, Policy Analysis &
Entrepreneurship y ta fungi cabalmente como director di e departamento di Gele Koorts
Muskietbestrijding. Diabierna atardi Clayton, den compania di lider di Partido di Pueblo Arubano Mike
Eman ademas di otro colega y sostenedor di partido, tabata na Paradera combersando cu bisiña y otro
habitantenan di e bario. Aki Clayton a pega algun di su prome stickernan y principalmente a invita tur
hende pa su lansamento oficial cu ta diabierna awo dia 28 di april na Cas di Partido na Paradera cu ta cas
di Boei Maduro.