Page 47 - ON JAN 27

mester wordo trata den reunion di Comision Central. Tur parlamentario lo tuma
nota di esaki y asina e por wordo aproba.
Tambe Parlamento ta trahando ariba e reglanan pa loke ta trata codigo di

conducta, pa parlamentarionan, ministernan y personal di Parlamento. Esaki ta
importante mirando tur e discusionnan cu tabata tin, di con e comportacion di

Parlamentario mester ta y con nan mester anda cu otro. Ta jammer cu mester
hinke den un regla, pero esaki ta sosode tambe den Parlamentonan den

exterior. Esaki lo tuma un poco mas tempo, ya cu e mester wordo trata den
Comision di Asuntonan Domestico y despues e lo bay griffier. Asina ey e lo por

bin na vigor, pa por ultimo e lo bay den reunion di Comision Central.
Den e temporada aki, e leynan cu ta bin for di gobierno, ta pidi pa bin cu
esakinan trempan. Parlamento lo bay cu reces na Juli te cu medio Augustus. Y

eynan lo ta bon pa por trata tur e leynan cu mester bin Parlamento pa asina ta
na tempo y no laga tur cos pa ultimo ora.

E aña aki ta aña di campaña, cual lo trece un presion enorme riba e

miembronan di parlamento. Kisas ta trata un ley y Parlamento ta bashi, For di
aworaki, ya caba e asistencia ta abao y ora cu campaña cuminsa, menos lo wak

e parlamentarionan na pia di trabao. Sra. Wyatt Ras ta spera cu nan por logra
di trata tur e leynan cu ta na bienestar di comunidad. Ta spera cu esaki por
sosode den lunanan di Maart, pa asina na Juni, Juli lo tin menos presion.

Riba e pregunta dicon no ta bin cu ley pa ta presente na reunion como
Parlamentario, mescos cu cualkier otro trahado mester cumpli cu nan trabao.

Na final di dia, ta pueblo ta paga e salario di cualkier parlamentario. Tur
esunnan cu ta paga belasting ta paga e salario di Parlamento. Sra. Wyatt – Ras

ta sigui bisa cu tin biaha e ta cana manera spirito den Parlamento, y ta wak
cierto fraccionnan cu si ta traha. E excuus di parlamentario cu ta bishitando cas,
ta un argumento fofo.