Page 43 - ON JAN 27

Mervin Wyatt-Ras ariba dia di Betico: Den tur e discursonan
dia di Betico a resalta e aprecio y respet pa otro sin

distinccion di e bandera politico

Thursday, 26 January 2017 17:33
Comparti

Presidente di Parlamento, drs. Mervin Wyatt-Ras, ta comenta cu durante e acto protocolario riba Plaza
Libertador y e Manifestacion Cultural a resalta e aprecio y respet mutuo di di e oradornan.

Na e ocasionnan aki a hiba palabra Minister Presidente, mr. Mike Eman y yiunan di Betico Glenbert
Croes y Guisette Croes. Segun Wyatt-Ras esaki ta alavez locual Betico tabata kier pa su pueblo, esta e
union pa para hunto pa un solo causa na defensa di nos pais. Ta di admira con Minister Presidente a
mustra respet pa Betico su yiunan, su nietonan y su lucha. Tambe durante e Manifestacion Cultural esaki
a resalta.

Wyatt-Ras a nota con yiunan di Betico Glenbert y Guisette Croes ta aprecia e valor cu gobierno ta duna
na e estadista yiu di pueblo. Segun Wyatt-Ras esaki ta un bon ehempel cu politiconan Eman y yiunan di
Betico Croes ta duna. Nan ta duna respet na politiconan cu a lucha pa nos pais. Ta di lamenta si cu ta te
ora un politico no tey mas e ta haya e aprecio, sinembargo aki a duna aki un bon ehempel di musta respet
y aprecio sin distinccion politico. Wyatt-Ras tin palabra di elogio pa e organisacion y ta felicita un y tur
cu e dia aki.