Page 25 - ATA NOV 29

Alabes Aruba Tourism Authority kier a jama un bon bini na e staf y personal di Barceló Aruba
cu nos ta sigur lo sigui cu e bon trabow pa atrae bishitantenan di calidad pa bin disfruta di nos
isla. A.T.A. ta disponibel pa apoya y acompaña e cadena nobo aki riba nos isla pa asina
conhuntamente contribui na e industria turisco di Aruba.

http://earubianonews.com/2016/11/29/aruba-tourism-authority-ta-yama-bonbini-na-barcelo-hotels-
group/

A.T.A. ta inverti 2 miyon

florin adicional den

promocion na Merca

Published on November 29, 2016 in Local
ORANJESTAD, Aruba

E mercado di Merca a crece cu 8% aña pasa y ta anticipa cu e lo por sera 2016 cu un crecemento
di 1.2%. A.T.A. a bin ta pone mas enfasis riba e mercado Mericano debi na diferente retonan cu
a asota e Mercado y e region completo di Caribe e aña aki y cu simplemente a y ta rekeri empuhe
adicional. Un winter suave na Merca durante e prome lunanan di e aña 2016 na e parti Noreste di
Merca -e mercado principal pa Caribe y Aruba- a afecta e comportacion di e turista Mericano y a
condusi na menos turista for di Merca. Tambe e impacto di ZIKA y eleccionnan presidencial no
a yuda. Fuera di esey otro mercadonan cu presionnan economico tambe a confronta reto e aña
aki, esakinan ta inclui Brasil y Canada. Fuera di esaki, Aruba en particular ta sigui experencia e
volatilidad di e Mercado Venezolano.

Tambe mester menciona un reto adicional pa e Mercado di Merca unda cu e aña aki a conoce un
reduccion di 4% di capacidad (airlift capacity) procedente di Merca. Esaki ta debi na e clima
economico mericano y ahustacionnan den mundo di aviacion mericano. Esaki a conduci na un
reduccion di operacion di United Airlines (Chicago, Washington, D.C. y Houston) y American
Airlines (Miami y Philadelphia), y cancelacion di 2 buelo pa siman di Southwest Airlines