Page 26 - ATA NOV 29

durante di cierto lunanan e aña aki. No obstante di e reduccion aki, Aruba su grado di ocupacion
riba e vuelonan ta keda stabil y halto.

CRECEMENTO DI 9.8% DEN CAPACIDAD AEREO FOR DI MERCA DURANTE
PROMER CUARTAL DI 2017
Pa temporada halto 2017, esta promer cuartal di 2017, Aruba ta mira crecemento fuerte den
capasidad aereo y pues oportunidadnan pa eleva e Mercado. Como meta pa 2017 a fiha un
crecemento di 5% for di Merca y A.T.A. kier sigura cu e aña ta cuminsa –y continua– na un
manera fuerte. Ta pa es motibo aki ta inverti un montante adicional di Afl. 2 miyon durante
lunanan di November y December e aña aki. Esaki banda di Afl. 2 miyon adicional cu a inverti
durante e aña caba. Ademas, A.T.A. conhuntamente cu JetBlue ta lansa un campaña promocional
pa asina promove e ruta nobo di Fort Lauderdale – Aruba, cual ta inicia Januari.

STARTEGIA DI PROMOCION MERICANO FORTIFICA
Fondonan di Afl. 2 miyon adicional lo enfoca riba 3 mercado, esta New York, Boston y Fort
Lauderdale. Mita di e presupuesto lo bai na publicidad tradicional (TV, print, radio) y e otro mita
lo bai na promocion y contenido pa mercadeo online (p.e. TravelZoo, TripAdvisor, Adara). E
‘boost’ promocional aki ta pa energetisa e fluho di pasahero pa comienso di 2017, y unda por pa
temporada di fin di aña tambe.

Aruba Tourism Authority ta sigui inverti den mercadeo y ultimo tendencianan di promocion
digital rond mundo. Tambe mester delinea cu continuamente ta inverti den relacionnan cu
partnernan strategico manera aerolineanan y operadornan mericano, kendenan ta referi na nan
partnership cu Aruba varios biaha como uno di ‘gold standard’.

http://earubianonews.com/2016/11/29/t-ta-inverti-2-miyon-florin-adicional-den-promocion-na-merca/