Page 20 - ATA
P. 20
14 AWEMainta Dialuna, 15 juli 2019
Parlamentario Alan Howell
SNBA ta para firme tras di e hotel pa San Nicolas
SIMAN PASA, Alan Howell como
miembro di Fraccion di POR den
Parlamento a reuni cu Presidente,
Vice Presidente y miembronan di
San Nicolas Business Association
(SNBA).
E reunion tabata uno hopi ameno,
fructifero y positivo durante cual a
elabora y intercambia di opinion y
idea riba diferente topico di interes
pa e parti pariba di nos isla.
E tema mas importante riba agenda
tabata e hotel pa San Nicolas, cual ta
un proyecto hopi anhela pa añanan
largo, y tur loke esaki ta significa pa
pariba di brug, sin laga afo e ‘spin-off
effect’ economico cu e lo trece cune.
Entre otro, e lo yuda reduci e des-
empleo cu tin pariba di brug, cual ta
entre esunnan mas halto na Aruba,
lo trece movecion den caya na San
Nicolas, crea trabou pa esnan cu ta
traha pabou, pa keda cerca di nan
cas logrando mas tempo pa comparti
den famia y ta reduci gastonan di
transporte.
Igualmente a atende riba diferente
otro proyecto cu lo contribui na un
desaroyo economico pa San Nicolas.
Alan Howell ta expresa cu loke por
bisa cu pleno siguridad ta cu SNBA
ta para firme tras di e proyecto ho-
telero pa San Nicolas y nan ta pro-
nostica cu esaki lo trece un cambio
grandi den e desaroyo economico na
San Nicolas den tur sentido.
San Nicolas tin tur derecho di rebiba
bek, San Nicolas tin tur derecho pa
lo miho y San Nicolas merece ‘the
best’”, Alan Howell a conclui.
