Page 49 - AHATA

trapa riba reglanan pa introduci e acuerdo. Ley no ta permiti e forma cu a compromete
Aruba na pago di aumento di pago di Aduana. Ley tras di ley a wordo viola den creacion
di e actual situacion cu Aruba conoce y ta afecta pueblo henter.”

Durante ultimo dianan por nota cu intento ta wordo haci pa evita cu pueblo di Aruba ta
wordo informa debidamente di e situacion di crisis severo cu e ta pasa aden.

Segun ley di Aruba hamas e situacion di crisis actual mester a wordo crea.

“Aki no ta trata di un crisis manera Aruba a conoce na 1985 ora Lago a cera su
portanan. Aki ta trata di un crisis cu a wordo intencionalmente crea na un forma
completamente contra Ley,” ta e informacion corecto cu awe DIARIO ta presenta cu

prueba.

Den gastamento di placa, gobierno mester tene su mes na e Comptabiliteitsverordening
cu DIARIO ta presenta. E ley aki ta regla con por haci gasto, na kico gobierno mester

tene su mes y con mester evita cu e pais ta wordo poni den un crisis of na riesgo.

E ley aki ta rechasa e forma cu na 2010 a baha entrada di Aruba dor di baha BBO y na
mes momento bay haci un prestamo di casi 100 Miyon y cantidad di gasto.

Segun e ley aki e forma cu a crea un debe, a introduci e proyectonan di Bo Aruba pa un
suma di 1.6 Biyon, e acuerdo cu a alcansa cu Citgo, ta contra ley.
“No ta papia mes di e forma cu ta bay mara e pais na acuerdo financiero manera a pasa

cu Citgo sin aprobacion di Parlamento cu a wordo poni bou curatela,” a bini dilanti.

Rapportnan cu DIARIO tin den su poder ta mustra con for di 2014 gobierno anterior no
a tuma medidanan pa baha gastonan enorme cu tin riba Aruba y a bay hinca Aruba den

mas aventura manera ta e caso cu Citgo.

DIARIO ta dispone riba rapportnan oficial como prueba cu e constelacion anterior di
Parlamento ciegamente a laga gobierno anterior actua manera e tabata kier y no a tene

su mes na e regla cu e mester controla gobierno debidamente.