Page 67 - AHATA

ORANJESTAD (AAN) – Minister di Economia y Finanzas mr. Xiomara Ruiz-Maduro a
señala, den conferencia di prensa, cu loke si ta un hecho ta cu e situacion financiero di
Aruba ta keda delicado y e ta exigi un esfuerzo pa nos pais bay bek riba e rumbo
corecto.

Minister a expresa cu prueba di esaki ta, cu te ainda gobierno no por a presenta un
presupuesto pa e proximo aña, esta Presupuesto 2020. E presupuesto aki no ta cla pa
motibo cu mester haci e trabaonan pa por cera e gap financiero.

E dignatario a señala cu na 2019 gobierno a duna un stap hopi grandi unda di un deficit
di 137 miyon florin, a bay over na un deficit di 25 miyon e aña aki y pa otro aña mester
bay na un surplus y despues di esaki mester sigui un temporada di surplus cu ta bay te

50 miyon.

Esaki ta nifica cu un trabao hopi grandi mester wordo haci, pasobra e deficit cu Aruba
tin no ta duna nos pais credibilidad financiero, y e unico forma pa reduci e debenan aki

na un forma structural, ta si por crea e surplusnan financiero menciona.

Esey lo yuda Aruba cu si acaso bin un caida den e crecemento economico, y den un
situacion asina Aruba lo ta hopi vulnerable, si sigui den e nivel di debe manera nos pais

tine.

“Pesey, nos ta trahando haciendo lo maximo di purba cambia e rumbo di locual Aruba
tabata den dje, y netamente pa bienestar di nos pais”, e dignatario a subraya.