Page 71 - AHATA

Si en realidad Serlimar ta maneha gran parti di e desperdicio residencial riba nos isla
caba e ora no tin mester di implementa ningun ley pa proteha Serlimar, sino mester
cuminsa maneha e compania manera un comerciante real lo haci. Duna bon servicio,
cobra pa e servicio aki y corta den gastonan.

Kisas kier crea e impresion cu ta haci e empleadonan un fabor? Kisas kier acceso na e
un Serlimar-bank cu no ta cai bou di bista y control di Parlamento? Si awe e existencia
di Serlimar ta na peliger, ta danki na mal maneho di e compania y no pa motibo di e

trahadornan.

RAIZ ta keda para riba e pensamento cu den e alma comercial di sector priva ta biba e
deseo pa expande y crece, esey ta central den nan actividadnan. Tarea di Gobierno ta

pa crea condicion faborabel pa esnan den sector priva por logra esaki y empuha nos
economia y no pa crea incertidumbre y competencia inhusto cu ta e motibo real pakico
economia di Aruba ta tranca.

https://www.diario.aw/2019/09/raiz-ta-cuestiona-con-parlamento-ta-cla-pasa-ley-di-serlimar-sin-e-
minimo-di-informacion/