Page 74 - AHATA

por duna gobierno autorisacion pa ranca mas placa for di publico sin cu e ta presenta un

simpel business plan pa nos mira unda e placa di pueblo aki lo bai.

Ta mas cu claro cu tin un falta di maneho serio den e compania cu ta keda pone e presion

riba finansas publico. SIGUR cu mester drecha e maneho di Serlimar pa asina e por

competi den e mercado local, pero NO por crea leynan inhusto pa perhudica

comerciantenan cu a bin ta maneha nan compania di un forma responsabel y exitoso,

proveyendo pa e pan di tanto famia na Aruba.

Si en realidad Serlimar ta maneha gran parti di e desperdicio residencial riba nos isla caba

e ora no tin mester di implementa ningun ley pa proteha Serlimar, sino mester cuminsa

maneha e compania manera un comerciante real lo hasi. Duna bon servicio, cobra pa e

servicio aki y corta den gastonan.

Kisas kier crea e impresion cu ta haci e empleadonan un fabor? Kisas kier acceso na e un

Serlimar-bank cu no ta cai bou di bista y control di Parlamento? Si awe e existencia di

Serlimar ta na peliger, ta danki na mal maneho di e compania y no pa motibo di e

trahadornan.

RAIZ ta keda para riba e pensamento cu den e alma comercial di sector priva ta biba e

deseo pa expande y crece, esey ta central den nan actividadnan. Tarea di Gobierno ta pa

crea condicion faborabel pa esnan den sector priva por logra esaki y empuha nos

economia y no pa crea incertidumbre y competencia inhusto cu ta e motibo real pakiko

economia di Aruba ta tranca.

https://24ora.com/raiz-unda-respet-y-responsabilidad-a-keda/