Page 36 - AVP

Momento cu bo tin hende na Aruba cu ta yuda stranheronan drenta nos isla di un forma ilegal, dunanan un dak
pa nan keda, yudanan cu trabou sin permiso…tanten cu no tin consecuencia pisa, nan lo sigui drenta. Robert
Candelaria, Parlamentario di Fraccion di AVP den Parlamento ta disgusta cu e forma con Gobierno ta
atendiendo cu e tema aki, nan falta di tuma decision, falta di regla hermentnan necesario pa Polis y falta di

suministra suficiente informacion na pueblo.

Hopi ta puntrando si nos leynan na vigor ta sostene multa of sancion mas pisa na momento cu descubri
esunnan cu ta facilita ilegalnan pa keda nos isla. Lastimamente e contesta ta NO, ainda falta hopi ta locual cu
Robert Candelaria, Ex Alto Inspector di Polis a bisa. E Ley di LTU, manera menciona anteriormente, ta esun
cu por tabata e solucion. Minister Andin Bikker di su banda a sali y bisa cu e lo bin cu un Ley di LTU nobo, pa

duna Polis e autoridad bek pa controla ilegalnan. Minister Bikker a logra solamente cu e autoridad. Pero falta u
lista di asuntonan mas pa atende. Na momento cu tin hende ta duna nan trabou, ofrece luga pa keda, facilitando
pa nan subi tera y funciona ilegal akinan, ey nos tin cu actua!

Articulonan manera por ehempel di mensenhandel/mensensmokkel, nan ta bay basta leu pero den su
pensamento mester bay un stap mas riba leynan laboral, leynan di “medepleging” y “medeplichtig” den e tipo

di actonan aki. “Tin cu actua asina duro riba nan, cu for di ora cu nan ta na Venezuela y pensa di kier sali di su
pais e bisa: Aruba no!”, di acuerdo cu Parlamentario Candelaria.

E ta para riba cu tin cu keda pone asuntonan den balans, nos tur ta convivi cu e situacion na Venezuela, pero
un isla chikito di 100 y pico mil hende no por ta un solucion pa un pais di 40 miyon hende. Ta imposibel! Pa e
motibo aki mes, mester percura pa cuida nos frontera, cu nos leynan y institutonan cu nos tin den husticia

trahando hunto. Pero lamentablemente no sa mas con pa vocifera y haci e apelacion na e Gobierno aki.

Para na banda y critica NUNCA tabata su estilo, alcontrario, dunando ideanan concreto, bisando e Minister
haci esaki, tuma esaki, pone esaki funciona y lo bo mira fruto ta palabranan di Robert Candelaria.
Naturalmente e no ta spera cu e lo haci 100% locual e ta sugeri pero mirando cu awo nos ta asina hopi atras,
asina hopi oportunidad facil nos dilanti pa nos por a actua y no ta haciendo, ta incombrendibel.