Page 37 - AVP

Parlamentario Robert Candelaria tambe a trece dilanti cu e suma (+/- 24 miyon Euro) cu Hulanda a pone
disponibel pa Aruba y Corsou pa por combati/maneha e problematica di ilegalnan yegando nos isla. E ta spera

cu Gobierno pone prioridadnan den e ordo corecto, con y unda e necesidadnan ta, por ehempel na personal y/o
material y pa maneho. Algo cu sigur no tin ni bista mas riba dje ta, cu no ta solamente e hendenan cu ta
drentando ainda, pero tambe esunnan cu a drenta caba cu ta pisa riba nos sistema di salubridad, enseñansa,

laboral y mas. Momento cu Hulanda a bisa bo cu e tin un suma disponibel, ta cu plannan concreto con pa haci
uzo di e fondonan aki Bo mester presenta pa combati e problema.

Despues di 2 aña na mando y tanto problema den husticia, ta birando un asunto alarmante. Como
Parlamentario ta unico cos cu por keda haci ta di pone Gobierno bou presion, den parlamento y di comunidad,
mustrando unda por cambia maneho y unda tin pa drecha pero na final di dia ta keda na Andin Bikker y su

Gobierno pa actua. Di tur angulo a scoge pa yuda cu sugerencianan, enfoca riba locual no ta funciona, pasobra
na final di dia ta Minister tin cu actua y lidera.

Pa finalisa Robert Candelaria a bisa cu e tey pa traha y sirbi bienestar di nos pais. E ta spera cu Minister por
mira esaki, e como Abogado tin un otro background cu di dje, esunnan cu ta na banda y ta vociferando no ta
haci’e pa pone bo den luz negativo, pero mas bien ta pasobra tin cosnan cu realmente ta na bienestar di e pais y

como oposicion ta e limitacionnan cu ta trece cune pa pone cosnan pasa. Ora ta papia di bo frontera, tin cu
yega hunto, no ta papia di partido pero di nos pais y ta hunto nos tin cu para pa defend’e!

https://arubanative.com/2019/06/10/ex-alto-inspector-di-polis-y-parlamentario-robert-candelaria-avp-
aplica-sancionnan-mas-severo-contra-tur-cu-ta-facilita-ilegalidad-duna-polis-e-hermentnan-necesario-
pa-actua-prome-cu-ta-laat/