Page 34 - SJA

Gobernador nobo di La Guajira Dr. Weildler Guerra Curvelo

Sunday, 26 February 2017 12:45
Comparti

Diasabra mainta 25 februari 2017 , Sr.Clifford Rosa President di Fundacion Rancho a ricibi un yamada for di e
Antropoloog y Historiador Dr.Weildler Guerra Curvelo.

Caminda cu personalmente Dr.Weildler Guerra Curvelo a pone Sr.Clifford Rosa na altura di su nombramento como
e proximo Gobernador di La Guajira, apunta dor di e Presidente di Colombia Sr.Juan Manuel Santos. Diaranson 1 di
maart 2017 lo oficialisa e nombramento di Dr.Weildler Guerra Curvelo como Gobernador di La Guajira.
Na prome lugar Dr.Weildler Guerra Curvelo kier pone Minister President Sr.Mike Eman na altura di e noticia aki y
otro miembronan Diplomatico. Tambe e kier informa tur desendiente Guajiro na Aruba , tur persona y
profecionalnan cu e la yega di traha cu nan directo of indirecto manera Museo Archeologico Nacional Aruba, Romar
Trading y sigur Fundacion Rancho.
Dr.Weildler Guerra Curvelo a informa Sr.Clifford Rosa y Fundacion Rancho cu e ta masha contento cu Fundacion
Rancho a logra firma un MOU cu Gobernador di La Guajira, mirando cu e ta completamente na altura di e contenido
di e MOU. Asina Dr.Weildler a cuminsa traha riba su agenda como e proximo Gobernador di La Guajira. Ta asina cu
Aruba tambe ta poni halto ariba su agenda pa mehora e parti Diplomatico y sigi cu mas investigacion, intercambio
Cultural y Comercial den diferente area y proyectonan pa mehoracion di La Guajira.
Sr.Clifford Rosa, president di Fundacion Rancho ta desea Dr.Weildler Guerra Curvelo den nomber di tur conoci y
pueblo Guajiro na Aruba tur clase di exito den e periodo cu lo asumi e responsabilidad como e Gobernador nobo di
La Guajira, apunta pa President di Colombia Sr.Juan Manuel Santos.

http://www.24ora.com/index.php?option=com_content&view=article&id=119113:gobernador-nobo-
di-la-guajira-dr-weildler-guerra-curvelo&catid=1:local&Itemid=5