Page 33 - MIN ARENDS

Rene Herde di AVP na MEP: Unda e placa a bay?

Tuesday, 30 May 2017 20:07
Comparti

Segun parlamentario Rene Herde, MEP a bisa cu nan a laga hopi placa. Consecuencianan di e
caida economico dramatico aki, MEP no kier papia di dje.

Pero mester papia di dje. Banco Central ta papia di aña 2006 pa 2009. Esaki ta desempleo den
e periodo ey. Na 2006 e tabata na 7.5 y fin di 2009, e tabata riba 10%. Banco Central ta papia
di e consecuencianan di e situacion economico y desempleo. Ta pone den un grafico atrobe pa
compara e periodo di MEP cu AVP. Por a mira con desempleo tabata haltisimo, mas abao cu
tabata tin bao di MEP tabata 6,9%. Ora cu nan a baha na 2010, tabata casi 11% di desempleo.
Bao di AVP, el a baha, subi atrobe door di e refineria y awo e ta bahando rond di 6%. Mas abao
cu den e ultimo 20 añanan di Aruba. Esey ta e realidad. No ta cifranan di AVP, pero Cifranan di
Banco Central, confirma pa CFT.

E ponencia di MEP cu ora nan sali semper tin placa. Tampoco esey ta berdad. E lider di MEP e
tempo ey a priminti cu ora e baha for di Gobierno, e ta laga e caha bashi, pasobra e no kier
laga placa pa Gobierno di AVP gasta. En berdad, dia a drenta, ta rasca di huña so tabata tin den
e caha, mas no tabata tin.

Herde a uza palabranan di e prome minister mes. E prome minister di e tempo ey, sr. Nelson
O. Oduber.

Financieel Economische situatie, e tema ey na 2005, 13 di October na sr. Pechtold, e minister
Economico e tempo ey. Na 2004, e ta referi na 2 punto chikito. E financieel saldo op kasbasis
deficit den porcentahe di GDP tabata 9%. Carta di sr. Nelson Oduber na 2004. Y e debe,
compara cu GDP, tabata 44.5% na 2004 caba. Kiermen cu ora MEP bisa cos tabata bon, cu e
miho añanan, e grafico cu MEP a broma di dje, e prome pregunta lo ta, ban bisa cu ta berdad.
Ban asumi cu nan ta papia berdad. Cu na 2008 tabata e miho aña. Kico pueblo a sinti di dje.
Dicon inflacion cu a subi na e momento ey ya caba te banda di 23 of 24%, no tabata tin
indexering pa trahadonan. Dicon trahadonan na 2008/2009 mester a bay welga, accion tras di
otro. A welga te cu 7 siman, pa despues haya 65 florin, cu no ta compensa e 24% di caida. Prijs
di awa y coriente a subi cu 250%. No a subi onderstand, no a subi uitkering. E dos fondonan di
pensioen tabata na caminda pa bancarota. Si tabata tin tanto placa, dicon no a saneanan. Si