Page 36 - MIN ARENDS

Rene Herde: Den e periodo di MEP, tabata tin un caida
constante den economia

Tuesday, 30 May 2017 20:21
Comparti

Rene Herde, di fraccion di AVP, a splica cu den preparacion di eleccion prome cu publica na
programa y kico ta wak pa e añanan benidero pa e desaroyo di Aruba

, e kier a para un rato y refuta algun ponencia cu oposicion a trece dilanti siman pasa.

Oposicion, partido MEP, siman pasa a tribi un biaha mas pa crea e impresion cu uno, den
tempo di MEP economia tabata bon, cu 2008 tabata e miho aña y di tres, cada biaha cu AVP
baha, e ta laga MEP sin placa y ora cu MEP baha, e ta laga Aruba cu hopi placa.

Esey tabata e ponencianan di MEP cu a mira den prensa. Herde ta lamenta di bisa cu MEP a
bisa, no ta berdad. El a mustra cu loke nan ta bisa, no ta berdad.

Pa cuminsa, economia. MEP ta bisa y a publica esaki den prensa local, mas cu un biaha caba.
Den esaki nan kier mustra cu 2008 tabata e aña cu e GDP mas halto di Aruba. Esey ta corecto.
Pero den un otro rosea, Banco Central a skirbi lo contrario den e mesun periodo ey.

No solamente 2008, pero henter e periodo di MEP. Herde a mustra un grafico, cu ta ilustra e
periodo di MEP. E cifranan ta basa riba cifranan di Banco Central y CFT. Herde a pidi prensa pa
verifica esaki y publica cu esaki ta berdad, of no. Pasobra ta berdad kier papia. Pueblo no kier
storia cu no ta berdad. Esaki ta e periodo. Den e periodo di MEP, tabata tin un caida constante
cu a yega te na 2009, na un cifra di menos 11%. Si conta e aña prome, e ta bira -15% di caida
economico den dos aña. Banco Central, CFT, IMF, tur ta confirma esaki. Despues di 2009,
cambio di Gobierno, poco poco a sali for di e abismo ey, subi, cay un tiki ora cu e refineria a
bolbe cera, bolbe lanta poco poco. Den un economia mundial hopi mas dificil. Ta wak'e na
cifranan di paisnan rond di mundo, Merca, China, tur.

Herde a mustra un grafico di CFT, cu ta mustra den e ilustracion cu mientras den Caribe y
Hulanda inclui, economia a cay den e añanan, mas of menos un 2%. Aruba ta e liña cora. Aruba
ta e unico pais cu a cay cu 11%, bao di Gobierno di MEP y Gobierno di MEP kier broma cu cos
tabata bon.

E caida ey tabata excepcional. IMF, otro instancianan a referi na un double dip. No ta e crisis