Page 13 - WEB
P. 13
Situacion ta sumamente critico pa e compania nacional di utilidad, WEB Aruba N.V.
Prijs di bunker fuel oil a subi cu casi 20% y WEB no a hedge pa cubri pa e aumento aki
di prijs. Esaki a base di instruccion di Promer Minister Evelyn Wever-Croes. Na
momento cu gerencia di WEB a constata cu e aumento aki di fuel oil a cuminsa afecta
situacion financiero di WEB negativamente, nan a manda un carta pa Utilities pa informa
cu mester subi e prijs di coriente y awa rapidamente pa WEB no core perdidanan grandi.
Di parti di Gobierno a laga sa cu WEB lo mester absorba e perdida aki.
Mientrastanto e perdida ta sigui crece y calculacion ta cu pa final di anja WEB lo ta 25
miyon bao di nan presupuesto. Esaki ta un situacion hopi grave cu WEB lo no por
recupera for di dje. E unico forma pa por salba e situacion ainda ta un aumento di tarifa.
Na e momentonan aki WEB ta cobra Elmar 37 cen pa kilowatt uur y Elmar ta pone 12
cen riba esaki pa e gastonan di operacion y mantencion di e infrastructura di distribucion.
E 37 cen aki lo mester bira por lo menos 40 cen pa kilowattuur pa scapa e situacion
alarmante cu WEB ta den.
