Page 14 - WEB

Mientrastanto Sindicato SIWA tambe a expresa nan preocupacion cu politica ta afectando

futuro di WEB di momento cu gobierno a prohibi WEB pa hedge. Consecuencia di esaki

ta cu WEB a cuminsa perde placa grandi ora cu prijs di fuel oil a sigui aumenta y no

tabata tin e seguro (hedge) pa proteha WEB di e fluctuacion aki. Gobierno pa no perde

cara cu a para hedge y cu esey a conduci cu mester bin aumento di tarifa tin WEB awor

den un situacion hopi negativo financieramente.

E perdida aki no ta sostenibel y tampoco responsabel. Banconan cu ta financia WEB tin

normanan fiha na cual WEB mester cumpli. Na momento cu viola e normanan aki e

Banconan por bay asina leu pa forsa WEB pa ahusta tarifa of pio ainda “call” e “loan” cu

nan tin cu WEB. Esaki lo ta un drama financiero grandi pa WEB, pero tambe pa Aruba.

Aki ta caminda cu gerencia ta core e riesgo di responsabilidad personal tambe pa mal
maneho, di no a actua, pero a opta pa forma parti di un situacion meramente politico

iresponsabel pa e compania.