Page 13 - MIN VOS
P. 13
Nos grandinan tin mester di
sosten di comunidad
17 May, 2017
0
Riba dia di mama, presidente di Parlamento, drs. Mervin Wyatt-Ras a bishita un
luga di cuido di nos grandinan y a duna un gesto di cuminda y musica di caha di
orgel. Wyatt-Ras ta expresa e aprecio cu e tin pa nos grandinan y tur esnan cu
ta cuida nos grandinan. Specialmente riba dia di mama. Anterior e no por a haci
bishita na un instancia riba dia di mama mes, en bista cu e tabata cuida su
propio mama y tata. Awor su mama no tey mas el a dicidi di haci algo pa otro
mama cu tin necesidad. E ta considera di importancia pa comunidad duna su
aporte na e bunita trabou aki. No solamente Gobierno sino sector priva y
ciudadanonan tin cu yuda cu e responsabilidad importante aki di cuido di nos
hendenan di mas edad. Wyatt-Ras ta felicita nos mamanan y ta gradici alabes
sr. Werleman pa su bunita piesanan y su amigan(o)nan pa e teamwork pa yud’e
y companj’e pa haci e gesto aki bira realidad.
