Page 11 - AWEMAINTA

Diabierna, 28 September 2018 AWEMainta 11

Luna di augustus tin su empleado di luna

Romeo Kilayko ta un empleado ehemplar na Hospital

TUR luna Dr. Horacio E. Oduber Hospital ta
scoge su empleado di luna y e biaha aki esaki a
resulta den nomber di Romeo Kilayko kende a
bira empleado di luna di augustus.
El a wordo sorprendi cu un celebracion tradicio-
nal di sorpresa ora cu su coleganan di Center of
Advanced Woundcare a pretende di reuni hunto
cu e manager p’asina sorprende nan colega Ro-
meo cu e nominacion bunita aki.

Romeo Kilayko tin 18 aña ta labora na hospi-
tal y despues di a traha como verpleegkundige
a haya interes den specialisa pa traha cu heri-
danan.
“No ta tur hende tin curason pa traha cu herida
y ami a scoge p’e caminda ey”, el a expresa. Na
momento cu el a specialisa, el a ricibi sosten di
su hefenan y awor e ta un ‘Wound Specialist’,
trahando di cerca cu specialista riba diferente
piso y Center of Advanced Woundcare na Hos-
pital.
Romeo ta un hende hopi servicial y amabel cu
su pacientenan y ta dispuesto pa bay e ‘extra
mile’ pa nan. Ademas, Romeo ta un colega pro-
fesional dunando contenido na su funcion unda
cu e ta mantene un bon balansa den su trabao
como ‘Wound Specialist’y otro actividadnan.
E tambe ta duna guia na studiante y yuda or-
ganisa simposio. E tin amplio conocemento den
su ramo di trabou y ta keda desaroya esaki.
Tambe Romeo ta tuma iniciativa pa mehoracion
riba piso y ta bin cu ideanan pa mehora e servi-
cio y cuido n’e paciente.

E ta traha hunto cu e management team y spe-
cialista, percurando semper p’e paciente keda
central. Hunto cu su team y otro colega a rici-
bi varios training avansa cual a resulta cu awor
Aruba tin un ‘Center of Advanced Wound Care’
cu t’e mihor centro di herida den e region Ca-
ribe, di cual Romeo Kilayko ta masha orguyoso
di dje.
A logra pa crece hopi y hasta awor otro luganan
den region ta mira Aruba como ‘benchmark’ di
cuido di herida.
Loke ta keda esencial den tur esaki ta un actitud
positivo pa yuda pacientenan trata nan herida.
Tur su colega y e coordinador medico di Center
of Advanced Wound Care, dr. Yuri Casseres ta
contento cu Romeo Kilayko a ricibi e distincion
bunita aki.
Director Medico sr. Ezzard Cilié, dr. Alex Pon-
son, ciruhano y Olga Rodriguez, clustermanager
tabatey presente n’e celebracion pa felicita e em-
pleado di luna di augustus di Hospital y a dese’e
exito den su trabou y p’e sigui haci e bunita
trabou cu e mesun pasion grandi ta ser aprecia
pa tur na Hospital. Pabien Romeo Kilayko cu e
bunita reconocimento aki.