Page 65 - SJA DEC 14

Minister Mike de Meza den reunion cu STA: Tecnicanan
proba ta loke mester usa pa e maneho di dushi ta un succes

Tuesday, 13 December 2016 21:19
Comparti

Minister de Meza a haci bishita na Europa na diferente di e luganan ey.

Na Merca tambe, pero e ta hopi costoso. Na fin di dia anda cu desperdicio ta keda algo sumamente
costoso. Pero tin cu haci’e riba un manera responsabel y tin cu uza tecnologianan cu a wordo proba di ta
un success. Aruba ta mucho chikito y e ta pisa desproporcional riba e economia pa bay haci tur sorto di
experimento pa e landfill. Tin cu haci’e na un manera responsabel y cu proven technology. Esey ta
trahando riba dje. Tin un plan total cu diferente opcion cu ta bezig ta studiando awor aki, haciendo
diferente calculacion di costo y operacion pa e diferente modelonan aki y a priminti tur esnan den esaki
cu ora cu tin esaki cla, lo haci un presentacion total di kico ta e modelonan cu tin y kico ta e modelo cu
Gobierno a scoge na fin di dia. Gobierno ta keda responsabel na final, con pa deal cu e situacion di
desperdicio como pais. E ta bienestar general di tur hende. E tin un bienestar di salud pa esnan cu ta biba
den vecindario di Parkietenbos y tambe kico ta pone den tera, kico ta laga bay den lama. E ta un reto, un
complexidad halto. Pero e ta costa placa. Ta haciendo diferente evaluacion. Segun e minister, den pasado
el a yega di traha riba esaki, pero door di e proyecto di Citgo cu tabata bezig cun’e, tabata consumi hopi
tempo, e negociacionnan, cu no a alcansa di bin cla totalmente y awor aki tin un concentracion
sumamente grandi riba e situacion ey cu no por sigui manera e ta bay. E no por sigui y ta bezig ta bay
inicia un periodo cu ta nos dilanti via di un e modelonan, un di e opcionnan den e plan total pa cana e
caminda y lo bay mira cada biaha menos actividad den e landfill di Parkietenbos. Si pa sanea un situacion
asina aki, ta dura hopi aña y pa coregi e situacion tambe ta dura hopi aña. Pa e trahadonan di Serlimar a
garantisa nan cu ningun hende lo perde nan trabao. Al contrario. A cuminsa caba cu e saneamento. Pero
saneamento di henter e tereno ey ta uno, y tambe traha un depot nobo pa haci e trabaonan necesario pa
loke ta entrada di tur e desperdicionan rond di Aruba, cu Serlimar tin. Esaki ta un trabao grandi, pero
tambe lo tapa tur e buraconan cu tin rond di Aruba cu tambe lo wordo ehecuta pa Serlimar riba un
manera responsabel. Lo uza constructie puin pa e parti ey.

Pabao na Barcadera tin un tereno cu berdad a wordo rosa. Esey ta bira un depot di DOW, caminda cu ta
bay chip, kibra mata cu por hinca bek den naturalesa y ta bay haya un inzammeling di constructiepuin cu
ta cement duro, bloki, piedra, stenchi. Pero ta bezig tambe pa e area ey, wak por ehempel unda cu ta bay
pone e depot nobo di Serlimar mes pa loke ta e instromming di desperdicio. Toch tabata tin hopi
pregunta kico ta bay haci cu otro companianan cu ta haci e procesonan aki. E minister a bisa cu semper
lo tuma na evaluacion si tin sinergia cu por haci uzo un di e otro, pero semper e mester ta un win win
situation. Na fin di dia tin cu soluciona e problema ey di Aruba. Serlimar ta keda existi, trahadonan ta
sigura di nan trabao y e trabao ta uno hopi cu por garantisa cu den e añanan venidero, ningun hende ta
bay perde trabao. Tin hasta chens pa busca mas hende pa yuda traha riba e proyectonan aki.