Page 70 - SJA DEC 14

Rotary Club of Aruba a celebra e temporada di Pasco hunto cu Sonrisa
13 December, 2016
0

Diasabra ultimo dia 10 di December Rotary Club of Aruba a celebra e temporada
di Pasco hunto cu e miembronan di Sonrisa. Esaki ta pa di 3 aña caba cu Rotary
ta organisa un merdia pa celebra e temporada di Pasco na Sonrisa. E aña aki

tabata extra special pasobra un grupo grandi di e famia di Rotary tabata
presente. Tambe a envolvi e miembronan nobo di Interact Club of Aruba di

Schakel College y no laga afo Rotaract Club of Aruba. E mainta a cuminsa
tempran na unda cu a decora e centro di Sonrisa na Pavia cu adorno di Pasco y

a transforma e luga den sala festivo pa come. E miembronan y personal di
Sonrisa a keda masha contento ora nan a presenta na Pavia. Nan a wordo

entreteni door di grupo di Aguinaldo “Flor di Pasco” Aunke cu awa tabata yobe y
coriente a bay, esaki no a stroba e fiesta ni e animo di esnan presente.
Presidente Stanley Looman den nomber di Rotary Club of Aruba kier a gradici e

personal y directiva di asociacion Sonrisa pa nan cooperacion na e proyecto aki
un biaha mas. Tambe kier a gradici tur miembronan di Rotary Club of Aruba,

Rotaract Club of Aruba y Interact Club of Aruba pa nan sosten y participacion na
e bunita proyecto aki. Tambe un danki na tur e sponor nan cu a hasi esaki

posibel. Alabes e famia di Rotary kier a desea henter pueblo di Aruba feliz
dianan di fiesta y un prospero aña nobo.