Page 38 - KPA

Cuerpo di Bombero atento na Wela pa tur cos cana netjes ora
di bahamento di klapchi pasa den otro container

Wednesday, 14 December 2016 21:33
Comparti

Ferdinand Ponson ta vocero y officier di Cuerpo di Bombero y hunto cu su coleganan, tabata tey presente
na Wela.

El a splica cu tabata prome dia cu ta habriendo e containernan pa Douane haci nan trabao di control y
saca nan for di container y hincanan den otro container cu ta containernan di nan mes, pa e
containernan cu a bin di afo, por bay bek nan destino.

E rol di Brandweer ta preventivo. Ta bezig ta duna tips, papia cu e personal, ora cu ta wak cu nan ta haci
cosnan cu no ta bon, cu por causa un incidente eynan. Ta papia cu nan y bisanan pa tene e reglanan al
dia, kico por of no por pa nada no pasa eyriba. E unidad tey pa brinda e parti preventivo y si algo mester
pasa, nan por cuminsa cu e prome parti di dje.
Tres container ta wordo habri. Si habri mas container, e cahanan ta bay keda poni pafo y e chens di un
incidente ta hopi mas grandi. Brandweer ta zorg pa tur cos ta sigur y pa caba tempran pa asina nan
tambe bay cas tempran. Cuerpo di bombero ta trahando for di 7’or y mey pa 4’or y mey.

Ponson ta pensa cu si ta bon manera cu ta premira, tur cos lo bay caba, ta 7 dia di control di vuurwerk, pa
por caba na tempo.

Cuerpo di bombero lo bay tey for di Wela, te na final. Nan lo bay ta activo. Dia 27, ora cu cuminsa sali, tur
chasis mester ta gekeur, tur container mester tin sticker riba dje, tur luz mester ta al dia di e trucknan cu
ta bay transporta nan y na e puntonan di benta, lo bay haci e parti preventivo. Wak si tur cos ta bon,
midinan ta bon. Tur esey lo bay sosode mescos cu tur otro aña.

Ponson ta conseha pa traha preventivamente. Delanta bo mes. Pone cosnan cu mester pone den boso
container. Busca bo cos di paga candela, slang di awa, hemchi di awa, zorg pa no tin mucha ta traha den
container, no come den container, zorg pa e vuurwerknan. No por tur vuurwerk den container, zorg pa
tur cos ta sigur, traha preventivo, pa ningun incidente no pasa e aña aki.

Mirando e trabaonan riba Wela, tur hende ta dunando nan cooperacion. Door cu tur ora cu tin regla, ta
tiki fastioso pa tur hende, aunke nan a compronde y ta trahando segun regla riba Wela y ta bezig ta wak
pa niun incidente no pasa y percura pa tur cos ta bon.