Page 42 - KPA

DOW presente na Wela durante bahamento di vuurwerk for
di container

Wednesday, 14 December 2016 21:30
Comparti

Temporada druk ta drentando y containernan a yega Wela, pero tin un prome proceso prome cu e sali for
di Wela. Rubin Ponson di DOW a splica cu te awor aki e ta bayendo hopi bon.

Tin mayoria di e containernan bashi caba riba Wela. Mas container bashi tin, mas hopi di e reparticion ta
tuma luga riba Wela e ora. Esey ta e caso awor aki. Tin hopi container riba Wela. A cuminsa awe cu e
prome containernan cu ta bay wordo habri y e proceso ta cu nan ta bezig ta sortiando nan awor aki,
hincandonan den otro container y asina lo bay sigui den e proximo dianan cu e trabaonan aki.

DOW tin regla. Cada biaha ta bay te tres container. Mas cu esey ta bira un tiki iresponsabel, mirando e
cantida di vuurwerk cu ta wordo baha na e mesun momento un solo caminda. Ta trata di evita cu tin
tanto vuurwerk afo. Esakinan tin cu wordo reparti, hinca den otro container y lo por dura algun ora
prome cu esaki sosode. Si ta habri mas container, tin mas hopi vuurwerk poni riba tereno y esey kier
evita.
E containernan a yega na tempo. Apesar cu tin algun dia atrasa si, pero ta premira cu por caba prome cu
e tempo cu ta desea.
Dia 27 lo bay cuminsa saca e containernan for di marduga caba pa evita trafico, etc. y pa wak pa por caba
na un ora rasonabel pa loke ta trafico tambe, pa transporte di e containernan. En todo caso lo bay tey
henter dia pa haci e trabao. Locual ta puntonan di benta, lo bay ta moviendo rond tambe pa controla
esakinan. Mayoria di nan mester bisa, tur, ta suppose di sa caba tur e reglanan cu tin riba e containernan
aki. Tin di nan cu ta duda den cualkier localidad of caminda cu nan ta bay pone nan container of coriente
den e coriente cu tin cu yama DTI, esaki en berdad lo wordo haci prome cu e fecha di benta. Pero por lo
general mayoria ta wordo controla manera dia 27 cuminsa, te dia 31.
Te awor aki tur hende ta cooperando. E trabaonan ta bayendo bon.