Page 24 - AM181018

24 AWEMainta Diahuebs, 18 October 2018

Parlamentario Sue-Ann Ras (MEP):

“Nos mester inverti motivacion cerca nos

alumnonan pa drenta sector di horeca”

DIAMARS merdia den e restaurant Aloe di EPB Hato,

16 alumnonan di klas 4 di nivel 3, a haci nan prome

training di “serveren” cu algun invitado y Parlamentario
Sue-Ann Ras (MEP) tambe tabata entre e invitadonan.

E alumnonan di ‘doorstroom’ tabata e kokinan y a pre-
senta un ‘3 course meal’ di culinario internacional.

BON EXPERIENCIA
Mayoria di e invitadonan tabata esnan cu ta envolvi di

un manera of otro cu e alumnonan di nivel 3 aki. E 16

alumnonan di examen klas di nivel 3 (mercado laboral)
tabata completamente encarga, pa ehecuta e servicionan

den un restaurant, den cual nan a haci practica y a haya

conocemento di dje.
“Mi ta sinti mi honra di por tabata presente na nan

prome practica. Aunke nan tabata poco nervioso, nan
habilidadnan tabata bon. Esaki sigur ta un tremendo ex-

periencia pa nan, ya cu normalmente nan ta haci “rol-

lenspel”.
Tambe ta un bon momento pa veld y esnan concerni

haya un mihor bista di kico e alumnonan ta haci y asina
compronde kico tur ta pasa na scol,” Sue-Ann Ras a ex-

presa.

PARTNER

Ta di aprecia y admira cu Renaissance tabatin 2 chef

presente, pa analisa y evalua e proceso y producto final.
Segun Sue-Ann Ras: “Renaissance ta tuma hopi alumno

y ta un bon partner. Esaki sigur ta un paso y decision

hopi positivo. Nan a indica di ta hopi interesa pa traha
mas estrecho cu e scol y e alumnonan.”

Sue-Ann Ras ta haci un apelacion y kier encurasha nos

companianan den sector di horeca, pa nan tambe bira

partners y brinda nos hobennan mas oportunidad y tra-
bou den e sector di horeca.

“Mi por a combersa cu algun alumno y e cambio di men-
talidad y disposicion pa traha den sector di horeca t’ey.

Nan ta sinti nan capaz y pasiona pa eherce e funcionnan

aki y sigur e actitud di amabilidad ta sobresali cerca nan,”
Sue-Ann Ras a finalisa bisando.