Page 24 - KPA

Pasamento di auto na Cura Cabay
causa di accidente fuerte

Dialuna marduga riba e caminda di Cura Cabay altura di Jr Auto Center
a sucede un accidente di auto basta fuerte unda un persona a resulta herida. Patruya policial di
biaha a presenta na e sitio y solicita ambulance pa atende cu e persona herida. Polis a constata cu
e chauffeur di toyota celica blanco a pone un señal pa bay lora na man robes yegando e t-weg net
un hyundai accent cora ta bay pase y aki ta unda e autonan a dal contra di otro. E hyundai accent a
slip bay dal kibra muraya di Jr auto center, e persona den e accent cora a resulta levemente herida.

Homber cu hinca na curpa a yega
Caracas Bar pidi ayudo

Diadomingo atardi,
despues cu e carnaval a pasa dilanti Caracas Bar un homber ta yega na e dicho luga y pidi ayudo. E
tabata na sanger y segun e, nan a hinke pero no tabata hincanan serio. Bike Team di ambulance a
presenta di biaha na e sitio pa brinda asistencia medico y solicita un ambulance pa hiba e victima
Centro Medico.