Page 25 - KPA

Pasamento di luz cora causa di
accidente pisa na crusada Palm Beach

Diadomingo pasa di 11:45 anochi,

na e luznan di trafico altura di Mc Donald na Palm Beach pa subi Sasakiweg a sucede un accidente
pisa entre dos auto. Di biaha polis, ambulance y unidad di rescate di brandweer a keda manda debi
cu tin basta daño material y un persona herida pega den auto. Patruya na e sitio a cuminsa cera e
caminda y un oficial a atende cu un persona herida pega den auto.
E personalnan di bombero a drenta accion di biaha pa asina corta full un toyota camry pa saca un
persona herida pega den e auto. A logra corta e vehiculo pa asina paramedico di ambulance saca e
victima y atende cune y keda transporta pa hospital. Despues paramedico di ambulance a atende cu
un otro persona den e hummer cu tambe tabata herida. Falta di preferencia a hunga un rol y sigur
velocidad halto. Ambos auto a keda basta kibra. Asta un palo di luz cu e camaranan di cuerpo
policial pega na dje a keda kibra.