Page 69 - MIN JUS - 1st JUNE 2017

mr. Jane Jansen ta splica riba e Castigo y decision riba
casonan di Belasting

Wednesday, 31 May 2017 18:29
Comparti

Tin como 600 caso di belasting cu a wordo atendi den 2016. Eseynan ta casonan normal cu ta haya. Na
Aruba tin 9 ley di belasting. A base di esey ta haya un cobransa. Tin hopi hende, si nan no ta di acuerdo
cu e cobransa, e por ta cualkier belasting cu por ta, bo ta bay bek na e instancia, na inspecteur, e ta wak’e
y ta bisa cu e cobransa ta keda y contra e decision eynan, 95% di cierto caso cu ta bin corte unda hues ta
atende ta e casonan ey.

Esun cu haya su cobransa, e no ta eens cu e cobransa. A mira crecimento pasobra ta de bes en cuando
tabata bin hues atende cu e casonan di belasting. E tempo prome cu 2015 ta un of dos biaha pa aña
tabata tin huesnan cu ta bin for di Hulanda cu tabata haci e casonan. Awor aki tin hues pa atende e
casonan aki so segun Sra Jansen. Cada seis siman tin casonan di belasting. Hopi mas lihe hues por tuma
un decision riba nan caso. Pesey por ta e instroom a subi. Tambe hendenan sa cu e temponan aya cu ta
Raad so tabata tin, ta ey e tabata keda. E raad ta tuma decision y no por sigui. Awo tin herkansing. Tin
cosnan interesante pa sa tambe. Ora cu a bin e sistema nobo di belasting, cu a introduci e tres
instancianan, bestuur di hof a dicidi tambe pa haci Aruba e centro di belastingzaken. Kiermen di cu
akinan ta administra tur e casonan di belasting di tur e islanan. Behalve e casonan penal, esta casonan cu
ta trata strafbaarheid fiscaal. E islanan ta haya nan caso di belasting, ta mandanan aki digital, ta
administra nan y e ondersteuning huridico ta na Aruba situa. Tin un hues cu ta sinta aki, cual ta sr.
Dewert, cual ta ubica na Aruba. E centro ta aki y ta trece su bentaha cun’e segun sra Jansen. Ta bula bay
Corsou, St. Maarten, Boneiro. Pues henter e centro ta akinan. Tin un liña di maneho pa tur
belastingzaken y ta kere cu ta hopi mas lihe. Un hende sa unda e mester ta. Si un pagado di belasting na
Corsou kier bay den beroep y tin preguntanan specifico, nan sa cu ta aki na Aruba mester ta. E tempo ey
e huesnan ta bin di Hulanda, cual ta tarda un tiki. Esey ta e cosnan nobo cu a bin ta sosode cu
introduccion di e tres instancianan, Jansen a splica.