Page 115 - KPA

Januari ta habri cu record di atraco, mas atraco

arma, awor altura di Setar Palm Beach

6 hours ago 0 658 Views
Palm Beach – Diadomingo marduga un otro persona mas a bira victima di atraco arma, momento
cu ela caba di traha.
Vocero suplente di polis Sra Liliana Rasmijn ta declara lo sigiuente :
“Pa mas o menos 3:30 di diadomingo madruga Centraal di Polis ta haya un jamada na unda
ta bisa cu nan lo mester a atraca un hende homber banda di Setar na Palm beach.
Na jegada e meneer ta declara cu un rato prome e lo a cabi di traha y tawata bayendo na su
auto caminda cu un auto color shinishi mester a para banda di dje.
Dos hende homber a sali, un cu cuchiuw y e otro e no ta sigur si ta tin un arma di candela den
su man. Nan no tawata tin cara tapa y nan a pidi pa su pertenencia nan.
Ambos lo a papia spaño cu ne. Despues nan a subi un auto mitsubishi color shinishi y a bai di
e sitio.
Patruya a cuminsa di biaha cu un buskeda na unda cu na altura di Sasakiweg banda di e
saliña nan a bin topa cu un di a atracadonan na pia”.Mes ora a bay over na detene y hibe
warda di polis na Shaba.
Un rato despues patruya di Noord ta bin para un auto mitsubishi color shinishi cu dos hende
homber aden, cu tawata klop cu loke e victima lo a declara un rato prome.

A bai over na detenenan tambe y a hibanan warda pa asina saca afo si nan lo tin di haci cu e
caso di atraco un rato prome. E auto a wordo tuma den beslag y hiba warda di Noord, pa
asina BFTO por hasi su investigacion. Atraco team y slachtofferhulp tambe a jega na warda
di shaba pa asina atende e caso y e victima cu tawata basta spanta.
Tremendo trabao di polisnan di Noord cu den un tempo corto a logra pone man riba e
atracadornan”.