Page 117 - KPA

K-9 Unit di Polis bayendo cu Emergencia ta dal den taxi cu a
subi caminda na Paradera

Saturday, 21 January 2017 21:39
Comparti

Diasabra anochi net algo prome cu 8or a sosode un accidente tog basta serio y hopi
daño material. Un unidad di K-9 di Cuerpo Policial a dal duro tras di un Taxi TX-125.

E K-9 di Polis tabata bayendo cu urgencia direccion pabou. Banda di Pacifico na
Paradera riba e T-Weg un auto a para pa asina e unidad cu emergencia bin pasa bay cu
urgencia. Asina mes e Taxi a dicidi di pasa den banda pa asina e subi caminda di
preferencia pa baby direccion pabou. Esey a causa cu e auto di K-9 a dal masha duro
tras di e Taxi practicamente riba e T-Weg. E impacto tabata hopi duro y e auto di K-9 a
keda tur destrui. E agente den e auto a keda levemente herida. Un testigo cu a para pa e
pasa a dune un man mesora. E Taxi a para poco mas pabou. E Taxista lo a bisa e agente
cu el a mira e luz blauw ta bin di pariba. E cacho cu tabata patras den e auto a scapa.
Varios Unidad a yega mesora pa duna un man na e colega. E cacho a wordo movi
mesora tambe pa otro coleganan di K-9 cu a yega na e sitio. Takelwagen a wordo yama
pa hiba e auto di Polis warda. E taxi por a sigui cora pasobra e impacto tabata fuerte
pero e no a afecte pa sigui move despues di e investigacion.