Page 44 - KPA

Informe policial di e atraco resolvi pa polis di

distrito 2 den tempo record

1 DIA PASA , 22 DI JANUARI 2017 07:37
SECCION: INCIDENTE

Informe policial di e atraco resolvi pa polis y distrito 2 den tempo record. Pa mas of menos 3:30

di awe diadomingo madruga Central di Polis ta haya un yamada na unda ta bisa cu nan lo
mester a atraca un hende homber bandi Setar Palm Beach. Na yegada e victima a declara cu
un rato prome e la cabi traha y tabata bayendo na su auto caminda cu un auto color shinishi
mester a para bandi dje y 2 hende homber a sali, un cu cuchiu y e otro e no ta sigur si ta tin un

arma di candela den su man. Nan no tabata tin cara tapa y nan a pidi'e pa su pertenencia nan .
Nan lo a papia spaño cun'e. Despues nan a subi e auto Mitsubishi color shinishi y a bai for di e
sitio. Patruya a cuminsa di biaha cu un buskeda na unda cu na haltura di Sasakiweg banda di e
saliña nan a bin topa cu un di e atracadornan na pia y a bai over na detene di biaha y hibe
warda di polis na Shaba inmediatamente. Un rato despues patruya di Noord ta bin para un auto
Mitsubishi color shinishi cu dos hende homber aden cu ta klop cu loke e victima lo a declara un

rato prome. A bai over na detenenan y a hibanan warda pa asina saca afor si nan lo tin di haber
cu e caso di atraco kinan. E auto a wordo tuma den beslag y hiba warda di Noord tambe pa
asina BFTO (investigadornan technico y forensyco por hasi su investigacion. Atraco team y
slachtoffer hulp tambe a yega na warda di Shaba pa asina atende e caso y e victima cu tabata

basta spanta. Tremendo trabao di polisnan di Noord cu den corto tempo a logra pone man riba
e atracadornan .