Page 48 - KPA

Diadominga madruga a drenta informe di un caso di hit and run banda di The Mill y e vehiculo lo
ta para banda di Riu, mesora a dirigi un patruya na e sitio. Bayendo pa e sitio a drenta un otro
informe di cu e pick-up a cuminza move direccion Noord. Un patruya cu tabata banda di Lekker
a spot e pick-up Mitsubishi dobbel cabina preto L200 y a logra par'e panort di e Misa Santa
Anna. A bin resulta cu tabata tin un pareha den discucion y nan atencion no tabata mucho na e

trafico y ora di a bay haci un U-turn nan lo a dal e pick-up na un Chevrolet Equinox cu tabata
staciona y a core bay. Ora polis a papia cu e chofer esaki a declara di lo a bebe un poco. Polis
a detene e chofer y a hib'e na warda pa pasa test. Aparentemente e chofer lo no tin rijbewijs
tampoco pero nos no a logra confirma e informacion aki.

Polis a drenta e saliña di Palm Beach y a

logra captura un di e atracadornan, nan a

benta e tas den e saliña

1 DIA PASA , 22 DI JANUARI 2017 04:19
SECCION: INCIDENTE

Diadomingo madruga despues di cu e descripcionnan di e atracadornan a ser comparti cu tur e
polisnan na Noord, un patruya pasando patras di Benihana a spot 2 persona cu e descripcion
duna y a bay nan tras. Nan a core drenta e saliña y a purba di huy pero e lodo y awa den e
saliña a dilata nan huymento y polis a logra captura un di nan mientras e otro a logra bay.

Durante e huymento nan a benta e tas di laptop den e saliña. Polis a tarda basta rato buscando
e evidencia y a bin logra haya esaki.