Page 50 - HOSPITAAL

Un persona ta bira adicto ora cu e usa droga na un manera compulsivo, ora cu e tin

mester di e droga, ora e sinti e grupo di signo cu e mester usa droga.

Manera cu e por bira depresivo, e por bira ansioso, por irita, no por drumi, no kier baña,

no kier come, e ta riba caya constantemente.

Eynan por bisa cu e ta bayendo den un proceso di adiccion caba. Generalmente un

persona ora cu e ta usa droga, no ta bira adicto den un solo dia pa droga.

Ora un persona cuminsa usa droga, ta cuminsa den un etapa tempran den su bida manera

su adolescencia. Ta un riesgo grandi pa e persona bira un adicto den e etapa aki mas

frecuente, pasobra su celebro no tin e structura di madures necesario pa por bringa cu un

situacion di usamento di droga.

E usamento di droga den e etapa aki, por bira pa diferente motibo. Hopi biaha e

curiosidad, presion di grupo, falta di atencion hopi biaha di e famia, depresion, ansiedad y

un di e fenomenonan mas frecuentemente cu ta hayando pa usamento di droga, ta e parti

di malesa mental.

Un persona ora e tin un malesa mental, por ehempel si e scucha stem, ta sinti stress, no

kier sali for di cas, ta sinti ansha of no por drumi bon, e solucion mas facil ta, pa bay usa

droga.

Ta mas facil pa e persona mes, cu bay busca ayudo cu un dokter. Si e famia mes no ta

ripara tur esaki, cu e persona cuminsa usa droga, esey por bira un dependencia of uso mas

frecuente di usa droga.